Foto: REUTERS
BMT Bosh assambleyasi KXDRda inson huquqlari buzilishini qoralovchi rezolyutsiya qabul qildi. Bu haqda «RIA Novosti» xabar bermoqda.
Hujjatda aytilishicha, BMTga a'zo davlatlar Shimoliy Koreyada inson huquqlarining «tizimli», «keng tarqalgan» va «qo‘pol» buzilish holatlarini qoralaydilar.
Shuningdek, Bosh assambleya «qiynoqlar va boshqa shafqatsiz, g‘ayriinsoniy yoki qadr-qimmatni kamsituvchi muomala hamda jazolar» haqida kelib tushayotgan turli xabarlardan tashvishda ekanini bildirdi.
BMT Shimoliy Koreya hukumatini «barcha inson huquqlarini hurmat qilish» va «buzilishlarni zudlik bilan to‘xtatishga» chaqirdi.
Eslatib o‘tamiz, avvalroq KXDR AQShning yangi sanksiyalarini siyosiy provokatsiya deb atagandi.
