Britaniyalik homilador deputat Brexit sababli tug‘ruqni keyinga qoldirdi

Leyboristlar partiyasidan Britaniya parlamenti deputati, ko‘zi yorishi kerak bo‘lgan Tulip Siddiq 15 yanvarda bo‘lib o‘tadigan Brexit bo‘yicha ovoz berishda ishtirok etish uchun tug‘ruqni keyingi qoldirdi. Bu haqda Evening Standard nashri xabar berdi.  

Siddiqda birinchi homiladorligi og‘ir kechgani sabab unga ikkinchi farzandini kesarcha kesish orqali tug‘ishni tavsiya qilishgan. Operatsiya dastlab 4 fevralga belgilangan, biroq ayolda gestatsion qand kasalligi avj olgani sabab operatsiyani homiladorlikning 37-haftasida – 14 yoki 15 yanvarda o‘tkazishga qaror qilingan.

Deputat shifokorlardan operatsiyani 17 yanvarga ko‘chirishni so‘ragan va shifokorlar bunga rozi bo‘lishgan.

Shunisi ma'lumki, Siddiq Brexit’ga qarshi ovoz bermoqchi.

Brexit shartlari bo‘yicha hukumat kelishuvi uchun ovoz berish 15 yanvarda Britaniya parlamentining quyi palatasida bo‘lib o‘tadi. Ko‘pchilik deputatlar mavjud ssenariyga qarshi ovoz bermoqchi.

Ovoz berish dastlab 11 dekabrda bo‘lib o‘tishi kerak bo‘lgan, biroq Britaniya bosh vaziri Tereza Mey parlamentning ko‘pchilik a'zolari kelishuvni qo‘llab-quvvatlamasligi xavotiri sababli uning ko‘chirilishini e'lon qilgandi.