14:23 / 27.05.2019
9528

«Atalanta» va «Inter»ning tantanasi, «Milan»ning ko‘z yoshlari – Italiya chempionatida so‘nggi tur voqealari

Dam olish kunlari Italiya chempionatida so‘nggi tur o‘yinlari o‘tkazildi. Uning yakuniga ko‘ra Chempionlar Ligasi va Yevropa Ligasida ishtirok etadigan jamoalar, shuningdek, quyi ligaga yo‘l olgan jamoa nomi ma'lum bo‘ldi.

«ATALANTA» BRONZA MeDALLARINI QO‘LGA KIRITIB, MAVSUM KAShFIYoTIGA AYLANDI 

«Atalanta» o‘z maydonida «Sassuolo» bilan o‘ynadi. Mezbonlar Chempionlar Ligasi yo‘llanmasini qo‘lga kiritish uchun bu o‘yinda mag‘lub bo‘lmasligi kerak edi. Jan Pero Gasperini shogirdlari bu vazifani ortig‘i bilan bajarishdi.

19-daqiqada «Sassuolo» Berardi goli evaziga hisobda oldinga chiqib oldi. 35-daqiqada Sapata gol urib, hisobni tenglashtirdi. Hal qiluvchi voqealar 1-bo‘limning so‘nggi daqiqalarida yuz berdi. Har ikkala jamoa futbolchilarining asablari junbushga kelib, orani ochiq qilishga tushib ketishdi. Natijada, bosh hakam ularning bir nechasini ogohlantirdi, juda ham «faollik qilgan» Berardini esa qizil karta bilan «siyladi».

«Atalanta» tarkibdagi ustunlikdan unumli foydalanib qoldi. 53-daqiqada Gomes va 65-daqiqada Pashalich tomonidan urilgan gollar bergamoliklarga 3:1 hisobidagi g‘alabani keltirdi.

Natijada «Atalanta» 69 ochko bilan uchinchi o‘rinni egalladi va o‘z tarixida ilk marotaba Chempionlar Ligasida o‘ynaydigan bo‘ldi. Bundan tashqari Jan Pero Gasperini shogirdlari 77ta gol bilan A Seriyaning eng hujumkor jamoasiga aylanishdi.

Atalanta – Sassuolo 3:1 (1:1, 2:0)
26 may, «Chitta-del-Trikolore» stadioni
Gollar: 0:1 – 19 Berardi, 1:1 – 35 Sapata, 2:1 – 53 Gomes, 3:1 – 65 Pashalich.
Atalanta – Gollini (Rossi, 90), Masello (Pashalich, 62), Gimshiti, Palomino, Kastan, de Ron, Froyler, Gosens, Gomes (Manchini, 90), Ilichich, Sapata.
Sassuolo – Pegolo, Lirola (Raspadori, 90), Demiral, Ferrari, Rojyerio, Burabiya, Manyanelli, Dankan, Berardi, Lokatelli (Jurichich, 59), Boga (Sernikola, 85).
Ogohlantirishlar: Ilichich (38), Rojyerio (45), de Ron (45), Manyanelli (45), Ferrari (48).
Chetlatishlar: Berardi (45), Manyanelli (83).

«INTeR» JUDA QIYIN G‘ALABA ORQALI CheMPIONLAR LIGASIGA ILINIB QOLDI

«Inter» o‘z maydonida autsayderlardan biri «Empoli»ni qabul qildi. Mezbonlar Chempionlar Ligasi yo‘llanmasini qo‘lga kiritishi uchun bu o‘yinda g‘alabaga muhtoj, «Empoli» esa A Seriyada qolishi uchun kamida durang o‘ynashi shart edi.

Qatorasiga 4ta o‘yinda g‘alaba qozongan «Empoli» bu bellashuvga ko‘tarinki kayfiyatda keldi. Biroq, «neradzurri»ning o‘z rejalari bor va ular raqibning maqsadiga mos emasdi.

«Inter» o‘yin davomida katta ustunlikka ega bo‘ldi. 1-bo‘limda bir necha qulay vaziyatlardan foydalana olmadi. 51-daqiqada Balde hisobni ochishga erishdi. 61-daqiqada Ikardi farqni oshirishi mumkin edi, ammo uning penaltidan yo‘llagan zarbasini darvozabon Dragovski qaytara oldi. 76-daqiqada esa «Empoli» hisobni tenglashtirdi. Jarima maydoniga yetkazilgan to‘pni Traore «Inter» darvozasiga yo‘llab, «San-Siro»ni karaxt ahvolda qoldirdi. Bu natija «Empoli»ga A Seriyada qolish imkonini berar, mezbonlarni esa Chempionlar Ligasi yo‘llanmasidan mahrum qilardi. Ammo oradan 5 daqiqa o‘tgach, «Inter» vaziyatni o‘ngladi. Himoyachilar xatosidan foydalangan Nainggolan o‘yinda hal qiluvchi golni urib, jamoasiga g‘alaba keltirdi. «Empoli» esa keyingi mavsumni V Seriyada o‘tkazadigan bo‘ldi.

Inter – Empoli 2:1 (0:0, 2:1)
26 may, «Juzeppe Meatssa (San-Siro)» stadioni
Gollar: 1:0 – 51 Keyta Balde, 1:1 – 76 Traore, 2:1 – 81 Nainggolan.
Inter – Handanovich, D`Ambrozio, de Vrey, Shkrinyar, Asamoa (Keyta Balde, 46), Vesino, Brozovich, Politano, Nainggolan, Perishich (Dalbert, 74), Ikardi (Martines, 71).
Empoli – Drongovski, Mayyetta (Uchan, 71), Silvestre, Dell`Orko, Bennaser, Di Lorenso, Payach, Akkua (Brigi, 71), Traore, Kaputo, Farias.
Ogohlantirishlar: Keyta Balde (52), Payach (64), Perishich (72), Kaputo (90), D`Ambrozio (90).
Chetlatishlar: Keyta Balde (90), Perukkini (90).

«MILAN»NING G‘ALABASI KeRAKSIZ BO‘LIB ChIQDI, JAMOA YeVROPA LIGASIDA TO‘P TePADI 

«Milan» safarda SPAL bilan o‘ynadi va 3:2 hisobida g‘alaba qozondi. Yarimhimoyachi Frank Kessiye bellashuvda 2ta gol urishga muvaffaq bo‘ldi. Ammo bu g‘alaba «rossoneri»ga asqotmadi. Jamoa nafaqat bu o‘yinda zafar quchishi, balki «Atalanta» va «Inter» ham qoqilishi kerak edi. Ammo, har ikkala jamoa o‘z o‘yinida g‘alaba qozongani bois, «Milan» Chempionlar Ligasi yo‘llanmasini beruvchi 4-o‘rindan 1 ochko ortda qolgan holda 5-o‘rinni egalladi va kelasi mavsumda Yevropa Ligasida o‘ynaydigan bo‘ldi.

SPAL – Milan 2:3 (1:2, 1:1)
26 may, «Paolo Matssa» stadioni
Gollar: 0:1 – 18 Chalhano‘g‘li, 0:2 – 23 Kessiye, 1:2 – 28 Vikari, 2:2 – 53 Fares, 2:3 – 66, penalti Kessiye.
SPAL – Viviano, Chonek (Flokkari, 77), Vikari, Bonifatsi, Ladzari, Valoti (Yankovich, 72), Murjia (Shimich, 90), Kurtich, Fares, Petanya, Antenuchchi.
Milan – Donnarumma (Reyna, 21), Abate (Kutrone, 63), Musakko, Romanoli, Rodriges, Kessiye, Bakayoko, Chalhano‘g‘li, Suso, Pyontek, Borini (Konti, 80).
Ogohlantirishlar: Abate (27), Bonifatsi (36), Chonek (65), Bakayoko (81).

38-TUR NATIJALARI

25 may
Frozinone – Kevo 0:0
Bolonya – Napoli 3:2 (2:0, 1:2)
Gollar: 1:0 – 43 Santander, 2:0 – 45 Jyemaili, 2:1 – 57 G‘ulom, 2:2 – 77 Mertens, 3:2 – 88 Santander.

26 may
Torino – Latsio 3:1 (0:0, 3:1)
Gollar: 1:0 – 51 Yago Falke, 2:0 – 53 Lukich, 2:1 – 66 Immobile, 3:1 – 80 de Silvestri.

Sampdoriya – Yuventus 2:0 (0:0, 2:0)
Gollar: 1:0 – 84 Defrel, 2:0 – 90 Kaprari.

Roma – Parma 2:1 (1:0, 1:1)
Gollar: 1:0 – 35 Pellegrini, 1:1 – 86 Jyervino, 2:1 – 89 Perotti.

Atalanta – Sassuolo 3:1 (1:1, 2:0)
Gollar: 0:1 – 19 Berardi, 1:1 – 35 Sapata, 2:1 – 53 Gomes, 3:1 – 65 Pashalich.

Kalyari – Udineze 1:2 (1:0, 0:2)
Gollar: 1:0 – 17 Pavoletti, 1:1 – 59 Xadlvredsson, 1:2 – 69 De Mayo.

SPAL – Milan 2:3 (1:2, 1:1)
Gollar: 0:1 – 18 Chalhano‘g‘li, 0:2 – 23 Kessiye, 1:2 – 28 Vikari, 2:2 – 53 Fares, 2:3 – 66, penalti Kessiye.

Fiorentina – Jyenoa 0:0

Inter – Empoli 2:1 (0:0, 2:1)
Gollar: 1:0 – 51 Keyta Balde, 1:1 – 76 Traore, 2:1 – 81 Nainggolan.

A SeRIYaNING YaKUNIY JADVALI

A SeRIYa TO‘PURARLARI

«Sampdoriya» klubining 36 yoshli hujumchisi Fabio Kualyarella 26ta gol bilan A Seriya to‘purari bo‘ldi. Qayd qilish joizki, u to‘plarining 9tasini penaltidan kiritgan.

«Atalanta» hujumchisi Duvan Sapata 23ta gol bilan ikkinchi, «Milan» hujumchisi Kshishtof Pyontek 22ta gol bilan uchinchi o‘rinni egalladi.

A Seriya to‘purarlari

26 - Fabio Kualyarella (Sampdoriya, 9 pen)
23 - Duvan Sapata (Atalanta, 1)
22 - Kshishtof Pyontek (Jyenoa/Milan, 2)
21 - Krishtianu Ronaldu (Yuventus, 5)
17 - Arkadiush Milik (Napoli)
16 - Andrea Petanya (SPAL, 6), Franchesko Kaputo (Empoli, 3), Leonardo Pavoletti (Kalyari), Dris Mertens (Napoli, 1)
15 - Andrea Belotti (Torino, 5), Chiro Immobile (Latsio, 4)
12 - Yosip Ilichich (Atalanta),
11 - Jyervino (Parma), Greguar Defrel (Sampdoriya), Stefan El-Shaaravi (Roma), Mauro Ikardi (Inter, 5)
10 - Lorenso Insine (Napoli, 1)   

 A SeRIYaNING RAMZIY JAMOASI

 YeVROKUBOKLARNING IShTIROKChILARI VA CheMPIONAT OMADSIZLARI

Chempionat yakuniga ko‘ra, yuqori to‘rtlikdan joy olgan «Yuventus», «Napoli», «Atalanta» va «Inter» klublari Chempionlar Ligasida Italiya sharafini himoya qilishadi.

«Milan» va «Roma», shuningdek Italiya Kubogini qo‘lga kiritgan «Latsio» Yevropa Ligasida ishtirok etishadi. 

«Empoli», «Frozinone» va «Kevo» V Seriyaga ravona bo‘lishdi.

«Breshiya» va «Lechche» A Seriya yo‘llanmasini qo‘lga kiritishdi. Yana bir yo‘llanma egasi «Chittadella» va «Verona» klublari o‘rtasidagi pley-off o‘yinlaridan keyin ma'lum bo‘ladi.

Top