Yangi biznes boshlayotganda yoki obyekt qurayotganda atrof-muhitga zarar yetmasligini tasdiqlovchi ekologik xulosani onlayn olish imkoniya yaratildi.
Qayd etilishicha, buning uchun my.gov.uz portaliga kirib, onlayn ariza toʻldiriladi va ekologik loyiha hujjatlari yuklanadi.
Tuman ekologiya boʻlimi va Ekspertiza markazi hujjatlarni tekshirgach, telefon orqali toʻlov amalga oshiriladi hamda tayyor xulosani elektron shaklda yuklab olish mumkin boʻladi.
Ekspertiza xulosasi 39 ish kuni davomida taqdim etiladi.
Toʻlov obyekt turiga qarab (BHMning 0,3 baravaridan 25 baravarigacha) amalga oshiriladi.
Ekspertiza xulosasining amal qilish muddati esa hujjat turiga qarab 3 yildan 5 yilgachani tashkil etadi.
