Istanbulda yuz bergan YTH oqibatida o‘zbekistonlik ayol vafot etdi

O‘zbekistonning Istanbul shahridagi Bosh konsulxonasi ma'lumotiga ko‘ra, 2019 yil 19 iyul kuni Bakırköy Dr. Sadi Konuk Eğitim Araştırma Hastenesi tibbiyot muassasasida O‘zbekiston fuqarosi N.R. vafot etdi. 

TIV xabariga ko‘ra, u 1 iyul kuni yo‘l-transport hodisasi natijasida olingan jarohat tufayli kasalxonaga yotqizilgan edi.

Turkiya huquqni himoya qilish organlari fojiali voqea yuzasidan tergov ishlarini boshladilar.

Bosh konsulxona mazkur vaziyatni nazoratga olgan va marhumaning qarindoshlariga tegishli konsullik-huquqiy yordam ko‘rsatdi.

Konsullik-huquqiy departamenti marhumaning qarindoshlari va yaqinlariga ta'ziya bildirgan hamda Turkiya, Bolgariya, Ruminiya hududida bo‘lib turgan O‘zbekiston fuqarolariga zarur holatlarda Istanbul shahridagi mamlakat Bosh konsulxonasi +90 212-323-20-37, +90 212-229-00-75 telefon raqamlari orqali murojaat qilishlari mumkinligini eslatib o‘tgan.