19-avgust kuni soat 16:30 lar atrofida Yashnobod tumanida yo‘l-transport hodisasi sodir bo‘ldi. Bu haqda Toshkent shahar IIBB YHXB axborot xizmati xabar berdi.
Ma’lum qilinishicha, 2003-yilda tug‘ilgan haydovchi BYD Han rusumli avtomobilda Maxtumquli ko‘chasidan Istiqlol ko‘chasi tomon S.Azimov ko‘chasi bo‘ylab harakatlanayotgan vaqtda rul boshqaruvini yo‘qotgan.
Oqibatda avtomobil yo‘l o‘rtasidagi metall ustunga borib urilgan.
Rasmiy xabarda hodisa oqibatida jabrlanganlar bor-yo‘qligi haqida ma’lumot keltirilmagan.
Ayni paytda holat yuzasidan Toshkent shahar IIBB YHXB mas’ul xodimlari tomonidan surishtiruv harakatlari olib borilmoqda.
YHXB haydovchilarni yo‘l harakati qoidalariga qat’iy rioya qilishga chaqirdi.
