Metro.co.uk нашри маълумотларига кўра, суратларда футболчи жасадининг 7 февралда Дорсетдаги ўликхонада ёрилиши акс этган. Ўликхонадаги камераларни кузатиш учун жавобгар компаниянинг собиқ директори Кристофер Эшфорд 5 ойлик, яна бир айбланувчи Шерри Брей 14 ойлик қамоқ жазоси олган. Уларнинг иккиси компьютер материалларига ноқонуний киришганини тан олишган.
Сала 19 январда “Нант” француз клубидан Уэльснинг “Кардифф Сити” клубига ўтган. 22 январда футболчи янги жамоасига йўл олган бир моторли Piper Malibu самолёти Ла-Манш бўғози устидан учиб ўтаётганда йўқолиб қолганди. Самолёт 3 февралда бўғоз тубида аниқланган. Унинг бўлаклари орасида футболчининг жасади топилган. Полиция экспертизадан сўнг жасад Саланики эканлигини тасдиқлаган. Кейинроқ самолёт ҳалокатга учрашдан олдин Сала ва учувчи ис газидан заҳарлангани маълум қилинган.
