O‘zbekistondagi ilk avtopoyga poligoni Toshkent viloyatida quriladi

Toshkent viloyatining Parkent tumanida O‘zbekistondagi ilk avtopoyga poligoni qurilishi rejalashtirilgan.

Bu haqda Ichki ishlar vazirligi Yo‘l harakati xavfsizligi Bosh boshqarmasi boshlig‘i o‘rinbosari Erali Bozorov ma'lum qildi, deb xabar bermoqda Kun.uz muxbiri.

«Qoni qaynab turgan yosh yigitlar mashinani tez haydagisi keladi. O‘shalar umumiy foydalanuvdagi yo‘llarda emas, hech kim yo‘q joyda, poligonning o‘zida haydashlari mumkin.

200 tezlikda haydaydimi, 300 tezlikda haydaydimi, bemalol haydasin», dedi Erali Bozorov payshanba kuni matbuot anjumanida.