LG Microsoft Azure Cloud i AI Technologies yordamida avtomobillardagi axborot-ko‘ngilochar va binolarni ekspluatatsiya qilish tizimlarini takomillashtiradi.
LG Electronics (LG) Microsoft bilan hamkorlikda avtomobillardagi axborot-ko‘ngilochar va binolarni ekspluatatsiya qilish tizimlari hamda biznes uchun boshqa yechimlarni takomillashtirishga kirishmoqda. CES 2020da e'lon qilinganidek, LG B2B sferasida raqamlashtirish sur'atini oshirish uchun Microsoft Azure servisi va sun'iy idrok (AI) plastformasidan foydalanadi.
Bir yil muqaddam LG Microsoft bilan LG avtonom transport vositalari va axborot-ko‘ngilochar tizimlari bo‘yicha biznesni kengaytirish va yanada rivojlantirish haqida e'lon qilgandi. Endi LG o‘z yangi loyihalari doirasini avtomobil sektori chegaralaridan o‘tkazib, tijorat faoliyati tomon yo‘naltirishni rejalashtirmoqda.
LG o‘zining Building Energy Control (BECON) boshqaruv tizimini Azure yordamida HVAC (isitish, ventilyatsiya va havoni tozalash) tizimlari yanada samaraliroq ishlashi uchun takomillashtiradi. O‘zining BECON tizimini dunyo bo‘ylab Microsoft ko‘magida kengaytirib borarkan, kompaniya BECONning Azure gibrid bulutlari va sun'iy idrok yordamida keyingi avlodini ishlab chiqadi.
Azure integratsiyasi LG avtomobillardagi axborot-ko‘ngilochar yechimlarni ko‘p marta takomillashtiradi. Bu tarmoqqa ulangan kelgusi avlod avtomobillari uchun LG WebOS Auto va Microsoft Connected Vehicle Platform platformlari yuqori darajada uyg‘unlashuvida o‘z tasdig‘ini topadi. WebOS Autoning yangi shaklida LG HMI(inson va mashina interfeysi)ning qo‘shimcha imkoniyatlarini namoyish qiladi va avtomobillarda ko‘ngilochar tizimlar faoliyati samaradorligida asqotadi.
