Joriy yil IFA ko‘rgazmasida LG Electronics (LG) kompaniyasi ko‘p vaqtlarini o‘z uylari va xonadonlarida o‘tkazayotgan oilalar, insonlar uchun maksimal darajadagi qulaylik va shinamlikni ta'minlash uchun ideal uy haqidagi tasavvurlarini baham ko‘rmoqda. Sentabr oyi davomida LG ilk virtual ko‘rgazma orqali kompaniyaning uydagi turmush tarzini yanada sokin, yorqin va samaraliroq qilishiga bog‘liq real hayotdan ssenariylar va ajoyib namoyishlardan foydalangan holda ishtirokchilarga yangi, misli ko‘rinmagan taassurotlarga ega bo‘lishga taklif etadi.
«LG dunyosini avval bo‘lmagandek qaytadan kashf eting» mavzusi doirasida Messe Berlin (mahalliy vaqt va ob-havoni hisobga olgan holda) ko‘rgazma kompleksidagi №18 zalining realistik vizual dizayni mehmonlarga agar ular chindan ham Berlinda bo‘lganlarida o‘zlarining shaxsiy, xavfsiz va qulay uylardan chiqmasdan kompaniyaning yangi innovatsiyalarini o‘rganish imkoniyatini beradi. LG onlayn-ko‘rgazmasiga tashrif buyurish chog‘ida ishtirokchilar virtual gid yordamida ekskursion turdan zavq olishlari yoki mustaqil tarzda mini-karta orqali virtual stendlar bo‘ylab qanday harakatlanishni tushuntiruvchi yo‘riqnoma bilan tanishishlari mumkin. Mehmonlar tanlangan qurilmani bosish orqali uning harakatini tomosha qilish yoki texnik xususiyatlari va funksiyalarini o‘rganish imkoniga ega bo‘lishadi.
Virtual ko‘rgazma odamlar eksponatlarni huddi o‘yindagi kabi erkin o‘rganishlari mumkin bo‘lgan qiziqarli interaktiv tadbir kabi o‘ylab chiqilgan. Bunga Koreyaning Unity Technologies ofisi bilan hamkorlik hamda real vaqt rejimida (RT3D) interaktiv 3D-kontentlar yaratish hamda boshqarish bo‘yicha jahonning yetakchi platformasi hisoblangan video-o‘yinlar ishlab chiqaruvchi kompaniya – Unity o‘yin dvigatelidan foydalanish orqali erishildi. Mazkur o‘yin mexanizmi mobil telefonlar, planshetlar, shaxsiy kompyuterlar, konsollarda, shuningdek, virtual va kengaytirilgan reallik qurilmalarida real vaqt rejimida interaktiv 2D- va 3D-kontentni yaratish, ishga tushirish hamda monetizatsiya qilish uchun dasturiy yechimlarning to‘liq to‘plamini o‘z ichiga oladi.
Virtual ko‘rgazmada joriy yil boshida Las-Vegasdagi CES ko‘rgazmasida mehmonlar qalbini zabt etishga ulgurgan LG OLED takrorlanmas tasvir sifatini namoyish etuvchi hamda noyub shakllarni o‘zida aks ettirish qobiliyatiga ega ko‘plab moslashuvchan ekranni namoyish etuvchi OLED New Wave installyatsiyasi o‘ziga xos o‘rin egalladi. Ishtirokchilar LG OLED televizorining betakror tasviri hamda ovoz kuchi tufayli uy kinoteatri zonasida LG ko‘ngilochar dasturlaridan bahramand bo‘lishlari yoki o‘yinlar uchun maxsus zonasida ideal o‘yin muhitiga sho‘ng‘ishlari mumkin. Virtual sport-bar sport kontentlarini tomosha qilish uchun optimallashtirilgan, layfstayl zona esa mehmonlarni fon suratlar va galereyadan tortib video-roliklargacha – OLED tufayli reallikka aylanuvchi dunyo imkoniyatlaridan zavq olishga taklif etadi.
