Dunyodagi eng yirik qo‘riqlash agentligi o‘z raqobatchisiga sotiladi

Dunyodagi eng yirik qo‘riqlash agentligi G4S AQShdagi raqobatchisi Allied Universal tomonidan xarid qilinishiga rozi bo‘ldi. AQSh kompaniyasi G4S’ga 3,8 mlrd funt sterling taklif qildi.

Reuters axborot agentligining xabar berishicha, G4S britan kompaniyasi avvalroq unga Kanadaning GardaWorld kompaniyasi bildirgan taklifga rad javobini berib, o‘zi uchun maqbulroq bitimni tanlagan.  

Kanadaning GardaWorld kompaniyasi sentyabrda G4S’ga 3 mlrd funt sterling taklif qilgan, o‘tgan hafta esa ushbu qiymatni 3,68 mlrd funt sterlinggacha oshirgan. Biroq G4S rahbariyati bu taklifni rad etib, AQSh kompaniyasi foydasiga qaror qabul qilgan. G4S’ning Allied Universal’ga qo‘shilishi yillik tushumi 18 mlrd dollarni tashkil qiluvchi kompaniyani tashkil qilishga imkon beradi. Kompaniyalar birlashuvidan keyin umumiy xodimlar soni 750 mingdan oshadi.