Mahallalardagi jinoyatlar muhokamasi masofadan turib nazorat qilinadi

Prezident “Jamoat xavfsizligini ta'minlash va jinoyatchilikka qarshi kurashish sohasida ichki ishlar organlari faoliyatini sifat jihatidan yangi bosqichga ko‘tarish chora-tadbirlari to‘g‘risida”gi farmonni imzoladi.

Farmonga asosan huquqbuzarliklar profilaktikasi bo‘linmalari faoliyatiga ularning samaradorligini oshirish va ortiqcha xizmat yuklamasini qisqartirishga yo‘naltirilgan zamonaviy axborot texnologiyalari tatbiq etiladi.

Xususan:

«E-inspektor» elektron kompleks tizimini tatbiq etish orqali huquqbuzarliklar profilaktikasi bo‘linmalarida ish yurituvi maqbullashtiriladi;
profilaktik hisobdagi shaxslar bilan ishlash bo‘yicha elektron axborot tizimi ishlab chiqiladi;
ma'muriy huquqbuzarliklar to‘g‘risidagi ishlarni ko‘rib chiqish bo‘yicha «Ye-ma’muriy ish» yagona elektron hujjat almashinuvi tizimi yaratiladi;
mahallalarda jinoyatlarni muhokama qilish jarayonlarini masofadan turib nazorat qilish bo‘yicha elektron modul tatbiq etiladi;
«E-hisobot» axborot tizimini yaratish orqali profilaktika xizmatida hisobotlar unifikatsiya qilinadi va u boshqa tashkilotlarning idoraviy axborot tizimlari bilan o‘zaro integratsiya qilinadi.

Bundan oldin, kuchishlatar organlar xodimlari va oila a'zolarining shaxsiy ma'lumotlarini tarqatganlik uchun javobgarlik belgilanishi xabar qilingandi.