Kolumbiyada soliq islohotiga qarshi namoyishlarda 19 kishi halok bo‘ldi 

Kolumbiyada o‘tgan hafta boshlangan soliq islohotiga qarshi namoyishlarda 19 kishi halok bo‘ldi, 800dan ko‘proq odam jabrlandi.  

Kolumbiya mudofaa vaziri Diyego Molanoning ta'kidlashicha, jabrlanganlarning yarmidan ko‘pi kuch tuzilmalari xodimlari hisoblanadi. Shuningdek, butun mamlakat bo‘ylab 431 kishi hibsga olingan.  

Norozilik namoyishlari ortida Kolumbiyaning moliya va davlat kreditlari vaziri Alberto Karraskilya iste'foga chiqdi. Mamlakat prezidenti Ivan Duke Karraskilya o‘rniga savdo, sanoat va turizm vaziri Xose Manuel Restrepo tayinlanishini e'lon qilgan. 

Mudofaa vaziri El Pais nashri bilan suhbatda namoyishchilarga qarshi kuch ishlatilishini o‘zini oqlagan deb aytgan. Uning ta'kidlashicha, ba'zi joylarda «tajovuzkor odamlar» namoyishlarga qo‘shilib, «vaziyatni izdan chiqarishga uringan». Ularning ba'zilari radikal Farc va ELN guruhlari bilan bog‘langan. 

Karraskilya va Restrepo muallifligidagi soliq islohoti loyihasi Kolumbiya budjetini qo‘shimcha 26 trln pesoga (6 mlrd dollardan ko‘proq) to‘ldirishni ko‘zda tutgan. Bunga QQSni kengroq qo‘llash va jismoniy shaxslardan boshqa soliq hamda yig‘imlarni undirish hisobiga erishilmoqchi bo‘lgan. Biroq islohot deyarli barcha siyosiy kuchlar tomonidan tanqid ostiga olingan va norozilik namoyishlariga olib kelgan. Shundan keyin Kolumbiya prezidenti loyihani qayta ko‘rib chiqishni buyurgan, biroq shunga qaramay namoyishlar to‘xtamayapti.