LG Electronics (LG) 2021 yilning yangi televizorlari to‘plamini taqdim etdi. OLED evo’ning yangi to‘plami QNED Mini LED va rivojlangan NanoCell texnologiyalariga asoslangan. Televizorlarning o‘lchami 43 dyumdan 88 dyumgacha, siz esa ularning istalgan birini tanlashingiz mumkin. Bu televizorlarning har biri sifatli tasvir bilan uyingizda dam olish va ko‘ngil ochish uchun mos atmosfera yaratib bera oladi.
LG OLED
OLED modelining evo qo‘shilgan barcha televizorlari boshqa modellarga solishtirganda 20 foiz yorqinroq, tiniqroq va tasvirni 20 foizgacha ko‘proq reallashtirib ko‘rsatadi. Evo “evolution” so‘zidan olingan bo‘lib, o‘zbekchada “mukammallashish”, “rivojlanish” deb tarjima qilinadi. Demak, evo bilan uyg‘un OLED televizorlari bu model evolyutsiyasini, taraqqiyotini anglatadi.
OLED televizorlari o‘z qiziquvchilari uchun yana bir yaxshi yangilik tayyorlagan: ilgari bu modeldagi televizorlar faqat 55, 65, 77 va 83 dyumli o‘lchamda taqdim etilgan bo‘lsa, endi 48 dyumli OLED televizorlari ham foydalanuvchilarga taqdim etilmoqda.
OLED televizorlarining yangi avlodi tasvirlarni o‘ta mukammal va mos tarza to‘q ranglarda taqdim etadi. U Motion Pro yordamida har bir harakatni o‘ta silliq va real aks ettiradi. Tasvirning bu uslubda namoyon bo‘lishi, ayniqsa, televizorda o‘yin o‘ynashda qo‘l keladi. Aytgancha, OLED televizorlari o‘yin uchun eng yaxshi model hisoblanadi, sababi bu televizorlar dunyoda birinchi bo‘lib NVIDIA GeForce RTX 30 texnologiyalari asosida yaratilgan.
LG QNED Mini LED
QNED Mini LED texnologiyalari LCD televizorlarining tasvir sifatini yangi bosqichga ko‘tardi. Hozir mavjud 8K va 4K variantlar LG Quantum Dot NanoCell va Mini LED texnologiyalari asosida ishlangan. Bu esa odatiy LCD televizorlariga qaraganda tiniqroq qora va yorqin ranglarga, yuksak darajadagi kontrastga ega bo‘lishga yordam beradi.
LG NanoCell
