«Yota» shtammining O‘zbekiston hududida aniqlangani haqida ma'lumotlar yo‘q. Bu haqda Koronavirusga qarshi kurashish shtabi a'zosi Nurmat Otabekov ma'lum qildi.
AOKAda o‘tkazilgan brifingda Koronavirusga qarshi kurashish shtabi a'zosi Nurmat Otabekov bir qator savollarga javob qaytardi.
Uning so‘zlariga ko‘ra, Nyu–York shtatida aniqlangan «yota» shtammining O‘zbekistonda aniqlangani haqida ma'lumotlar yo‘q
«Hozircha AQShni Nyu–York shtatida aniqlangan «yota» shtammining O‘zbekiston hududida aniqlangani haqida ma'lumotlar yo‘q.
Mazkur shtammning yurtimizga kirib kelish ehtimolini inkor qilmagan holda, respublika hududida aylanib yurgan virus shtammlarining u yoki bu turga mansubligi monitoring qilib borilayotganini ma'lum qilamiz», deya ta'kidladi Nurmat Otabekov.
Avvalroq, Sanitariya-epidemiologik osoyishtalik va jamoat salomatligi xizmati rahbari o‘rinbosari Nurmat Otabekov ZF-UZ-VAC-2001 vaksinasining 2- va 3-dozalari bilan emlash 1 haftaga to‘xtatilgani yuzasidan audiobayonot bilan chiqqandi.
