07:33 / 04.09.2021
881
Бухорода фуқарони ишга жойлаштириш эвазига 500 доллар олган шахсга жиноят иши қўзғатилди

Бухоро шаҳар аҳоли бандликка кўмаклашиш маркази инспектори фирибгарлик устида қўлга олинди. Бу ҳақда вилоят ИИБ ахборот хизмати хабар бермоқда.

Маълум қилинишича, Бухоро шаҳар аҳоли бандликка кўмаклашиш маркази инспектори, 1985 йилда туғилган М.A. хизмат мавқейидан фойдаланиб, Ш.Д. исмли аёлни РШТЁИМ Бухоро филиалига тиббиёт ходими вазифасига ишга жойлаштиришни ваъда қилган. У “хизмат ҳақи” учун Бухоро шаҳар ҳокимлиги биноси олдида 500 доллар олаётган вақтда ҳуқуқни муҳофаза қилувчи идоралар ходимлари томонидан ушланган.

Ҳолат юзасидан М.A.га нисбатан жиноят иши қўзғатилиб, дастлабки тергов ҳаракатлари олиб борилмоқда.

Олдинроқ Бухорода сохта “мўри тозаловчи”га жиноят иши қўзғатилганди.

Top