Aytishlaricha, bugungi kunda ko‘chmas mulk bozori turli xil yangi qurilgan binolar bilan tuyingan va hashamatli ko‘chmas mulk iste'molchilarini hayron qoldirish juda qiyin. Ammo NRG quruvchilari buning yo‘lini topishdi va NRG'ning eng oldi loyihasi bo‘lmish U-TOWER'ning bir qismini namuna sifatida yaratdilar.
Ishonch bilan aytish mumkinki, bu yuqori darajadagi ko‘chmas mulk iste'molchilarini befarq qoldirmaydi, albatta. Gap yaqinda barpo etilgan shourum haqida ketmoqda. U nafaqat NRG U-TOWER turar joy majmuasidagi xonadonning maydoni va planirovkasining xuddi o‘zginasidir, balki NRG kompaniyasi tarixida birinchi marta fasadning barcha dekorativ elementlari bilan to‘la to‘kis qavat sifatida qurilgan. Agar ilgari mijozlarga qurilayotgan binoning tashqi ko‘rinishini va fasad materiallarini kompyuter ekranlarida namoyish etilgan bo‘lsa, endi esa NRG jamoasi o‘zining bor salohiyatini ishga solib, NRG U-TOWER shourumiga nafaqat tashrif buyurish, balki binoning fasadiga ishlatiladigan materiallar fakturasini his qilish va tashqaridan qanday ko‘rinishiga baho berish imkoniyatini yaratdi.
Turar joy majmuida yashovchilarning maksimal darajadagi qo‘layligini ta'minlashda binoning fasad qismida yuqori sifatli materiallar ishlatiladi, ular yuqori havo haroratiga chidamli bo‘lib, yozning jazirama issig‘idan, qahraton qishning sovug‘idan ishonchli himoya qilib, namgarchilikka ham bardoshli hisoblanadi. Yevropada ishlab chiqarilgan alyuminiy profilli fasad elementlari shovqinga qarshi yaxshi himoyani ta'minlaydi.
Majmua qurilishi energiya samaradorligi, maksimal darajadagi qulaylik, kam harajatli va shu bilan birga ekologik xavfsizlikni ta'minlaydigan xalqaro ilg‘or standartlarga muvofiq olib borilmoqda. Loyiha BREEAM sertifikatini olish bosqichida. Butun dunyoda tanilgan BREEAM sertifikati – bu ko‘chmas mulkning a'lo sifat belgisi hisoblanib, mazkur ko‘chmas mulk barqaror rivojlanishning yuqori talablariga muvofiq ekanini anglatadi. Ushbu sertifikat atrof muhitga binoning ta'siri, suv va energiyaning harajati, ishlatilgan materiallar, interer sifati va binoning foydalanuvchilariga qulay faoliyat olib borishda naqadar shinamligi haqida baho beradi.
Shuningdek, NRG U-TOWER shourumida bo‘lajak xollning intereri, shift balandligi va yoritish elementlarini qanday ko‘rinishga ekanligini ko‘rish imkoniyati bor. NRG U-TOWER'dagi xonadonlar xudddi shunaqa yuqori sifatli panoramali derazalar va kalit talab qilmaydigan, aqlli uy tizimiga ulangan kirish eshiklari bilan o‘z egalariga topshiriladi.
*- Aqlli uy tizimini qo‘shimcha to‘lov orqali buyurtma berish mumkin.
