Qashqadaryoda qidiruvda bo‘lgan shaxs Toshkent shahrida ushlandi

Qashqadaryo viloyat IIB tomonidan qidiruvda bo‘lgan shaxs Toshkent shahrida ushlangan. Bu haqda viloyat IIB axborot xizmati xabar bermoqda.

Ma'lum qilinishicha, Kitob tumani Denov qishlog‘ida yashovchi Sh.A. Jinoyat kodeksining 168-moddasi 4-qismi «a» bandida nazarda tutilgan jinoyatni sodir etgan. Mazkur shaxs jazodan qochib yurgani uchun Shahrisabz shahar IIB tomonidan qidiruvda bo‘lgan.

Qashqadaryo viloyat IIB xodimlari tomonidan olib borilgan tezkor tadbirlar natijasida Sh.A. Toshkent shahrida joylashgan Qo‘yliq dehqon bozori oldida joylashgan mardikor bozori hududidan ushlangan.