O‘zbekiston Afg‘onistonga 29 ta yuk avtomobili yetkazib berdi

Qo‘mita xabariga ko‘ra, 2021 yilning yanvar-oktabr oylarida O‘zbekiston 8 ta xorijiy davlatlarga qiymati 11,5 mln AQSh dollariga teng bo‘lgan 714 ta yuk avtomobillarini eksport qilgan.

Yuk avtomobillari eksporti o‘tgan yilning mos davri bilan solishtirilganda 37 taga kamaygan.

O‘zbekiston 10 oyda yuk avtomobillarini eng ko‘p eksport qilgan davlatlar quyidagicha:

• Qozog‘iston — 505 ta;
• Qirg‘iziston — 84 ta;
• Singapur — 71 ta;
• Afg‘oniston — 29 ta.

Qayd etilishicha, 10 oyda 3257 dona yuk avtomobillari ishlab chiqarilgan.

O‘zbekistonda aholiga tegishli bo‘lgan 168 810 ta yuk avtomobillari bor.