«Biznes Kouching» o‘zi nima va tadbirkorga nima bera oladi?
«Katta bizneslar kattalashib boraveradi, kichiklari esa yuzaga chiqmaydi — yopilib ketadi yoki bir joyda rivojlanmay qolaveradi. Chunki...». Bu gaplarni aytar ekan, odamlar turli vajlarni misol qilib keltiradi, ammo masalaning mohiyatiga yetish uchun ozgina izlanish, fikr qilish, o‘z ustida ishlash, yangiliklarni o‘rganish va zamon bilan hamnafas bo‘lish kerakligi haqida o‘ylab ko‘rmaydi.
Yirik kompaniyalar haqida gap ketsa, ishonch bilan aytish mumkinki, ularning asoschilari, rahbarlari va top-menejyerlari muntazam ravishda o‘z ustida ishlaydigan, yangi bilimlar olish harakatida bo‘ladigan odamlardir. Buning uchun esa ular turli kouchinglarda ishtirok etadi, treninglarda qatnashadi, kitob o‘qiydi.
Endi o‘ylab ko‘ring, o‘z ustida ishlamaydigan, zamondan ortda qolgan uslublar yordamida o‘z faoliyatini yuritadigan, hech bo‘lmasa 1 oyda birgina kitob o‘qimaydigan tadbirkorning biznesi rivojlanmay qolaverishi yoki vaqt o‘tishi bilan tanazzulga yuz tutishi tabiiy hol emasmi?
Kun sayin biznes qilish qiyinlashib bormoqda, negaki deyarli har bir sohada raqobat kuchaymoqda, o‘zgarishlar kuzatilmoqda, yangiliklar paydo bo‘lmoqda. Shiddat bilan o‘zgarib borayotgan bunday sharoitlarda muvaffaqiyatga erishish uchun mijozlarning ehtiyojlarini qondira oladigan, odamlarning muammolarini bartaraf qiladigan va shu bilan birga, bunda raqobatchilarni ortda qoldiradigan taklif bera olish kerak.
Biznesini muayyan bosqichga yetgandan so‘ng rivojlantira olmayotgan korxona egalarida talaygina savollar bo‘lishi mumkin. Nima uchun o‘z faoliyatini mendan keyin boshlagan raqobatchilarim mendan o‘zib ketyapti? Nima uchun sotuvlar hajmi tushib ketyapti? Nega sotuvlar orsa ham, sof daromad ortmayapti? Nima qilish kerak?
Kuni kecha yakunlangan Ibrahim Gulyamovning «Biznes Kouching 14» dasturi tinglovchilari aynan mana shu o‘zlarini doimiy qiynab kelgan savollarga javob olishdi va muammolarining yechimini aniqlab, amaliy yutuqlarga erishishdi.
Biznes Kouching dasturi — tadbirkorlar uchun mo‘ljallangan, 2 oyda biznesni tizimlashtirish, marketing va sotuv mexanizmlarini yo‘lga qo‘yish orqali korxonaning sof foydasini oshirishga qaratilgan dastur. Misol uchun, «Biznes Kouching 14» kursini 600ga yaqin biznes egasi bitirdi. 56 foiz ishtirokchidan olingan ma’lumotga ko‘ra, ularning umumiy sof foydasi 2 oyda 1 400 000 dollarga oshdi.
