Londonda ustoz-shogird to‘qnashuvi, «Chelsi» - «Liverpul», «Real» va «Barsa» uchun jiddiy sinov. Hafta o‘yinlari anonsi

Chempionlik uchun kurashda asosiy favorit sanalgan «Chelsi» va «Liverpul» «Boxing day»dagi ochko yo‘qotishlardan so‘ng peshqadam «Siti»dan katta farq bilan ortda qolishmoqda. Bu safargi o‘zaro o‘yin ular uchun navbatdagi sinov bo‘ladi. G‘olib jamoa «shaharliklar»ni ta’qib etishda davom etsa, mag‘lub chempionlik kurashidan chiqishi hech gap emas.

Tuxel shogirdlari APL doirasidagi so‘nggi 4 o‘yindan faqat bittasida g‘alaba qozona olishdi, qolgan o‘yinlarda esa durang qayd etildi. Jamoa natijasiga germaniyalik murabbiyning Romelu Lukaku bilan munosabati sovuqlashganidan ko‘ra, koronavirus bilan bog‘liq muammolar jiddiyroq ta’sir qildi, deyish mumkin.

Klopp jamoasi zaxiradagi o‘yin evaziga farqni qisqartirish imkoniyatiga ega bo‘lsa-da, koronavirus bilan bog‘liq vaziyat bu klub natijalariga ham salbiy ta’sir etmoqda. «Liverpul» so‘nggi ikki o‘yinida «Tottenhem» bilan durang qayd etgan, «Lester»ga esa mag‘lub bo‘ldi. «Chelsi»ga qarshi o‘yin oldidan esa Yurgen Klopp klubning yana uch nafar a’zosida infeksiya aniqlanganini bildirdi.

Ushbu jamoalarning mavsumdagi o‘zaro birinchi o‘yini «Enfild»da o‘tib, «Chelsi» bahsda kamchilikda qolganiga qaramay, tomonlar 1:1 hisobida mavsumdagi eng yaxshi o‘yinlardan birini namoyish etishgandi. Tarkibdagi muammolarga qaramay, bu safargi to‘qnashuv ham shiddat va’da qilmoqda.

2 yanvar (yakshanba)
La Liga. 19-tur
XeTAFe – ReAL 
O‘yin boshlanish vaqti: 18:00
TV-translatsiya: FutbolTV/UzReportTV

Angliyadan farqli ravishda Ispaniya jamoalarida koronavirus bilan bog‘liq vaziyat avj olayotganiga qaramay, La Liga o‘yinlarni bekor qilish haqida hali e’lon qilmadi. Peshqadam «Real» «Xetafe»ga safar oldidan navbatdagi 4 o‘yinchisi - Tibo Kurtua, Federiko Valverde, Eduardo Kamavinga va Vinisius Junior infeksiya sababli safdan chiqqanini e’lon qilgan edi. Ungacha esa 20 dekabr kuni Marko Asensio, Garet Beyl, Marselo, Modrich, Lunin va Rodrigo topshirgan test musbat natija bergandi. 30 dekabr kuni esa Yovich ham aynan virus sababli safdan chiqqan. 16-o‘rinda borayotgan «Xetafe»ga qarshi bahsda madridliklar bosh murabbiyi Karlo Anchelotti eng avvalo g‘alaba qozonish emas, ko‘proq tarkibni kim bilan to‘ldirishni o‘ylayotgan bo‘lsa ajab emas.

2 yanvar (yakshanba)
La Liga. 19-tur
ATLeTIKO – RAYO VALeKANO
O‘yin boshlanish vaqti: 20:15
TV-translatsiya: FutbolTV/UzReportTV 

Amaldagi chempion «Atletiko» qoniqarsiz natijalari sababli beshlikni ham tark etishga yaqin turgandi. Endi esa jamoaning muammolari yanada ko‘paydi. Turnir jadvalida yonma-yon borayotgan «Rayo Valekano»ga qarshi uchrashuvda madridliklar bosh murabbiy Diyego Simeone tarkibni karantinda o‘tirib tuzishga majbur bo‘ladi. Undan tashqari, jamoaning yetakchi o‘yinchilari – Antuan Grizmann, Joao Felish, Koke va Ektor Errera ham koronavirus yuqtirgani sababli 30 dekabr kuni o‘zini yakkalash tartibiga o‘tkazilgan. Shunday ekan, «matraschilar» asosiy raqiblari bo‘lib turgan jamoaga qarshi o‘yindan oldin allaqachon jiddiy muammolarga uchragan. O‘yindagi vaziyat qanday ko‘rinish olishini yakshanba kuni bilib olamiz.

2 yanvar (yakshanba)
La Liga. 19-tur
MALORKA – BARSeLONA
O‘yin boshlanish vaqti: 01:00
TV-translatsiya: FutbolTV/UzReportTV

La Ligada koronavirusdan eng ko‘p jabr chekayotgan jamoa - «Barselona» bo‘lib turibdi. Xavining tarkibdagi muammolari tobora og‘irlashmoqda. La Liga doirasidagi so‘nggi 4 o‘yinda bor-yo‘g‘i bitta g‘alabaga erishgan Xavi «Malorka» bilan o‘yinga safar qilish oldidan uch ochko emas, eng avvalo tarkibni kimlar bilan to‘ldirish haqida bosh qotirmoqda.

Kataloniya klubi koronavirus o‘chog‘iga aylangach, Malorkadagi o‘yin oldidan tarkibda 9 nafar sog‘lom o‘yinchi qolgan. Klubning 10 nafar futbolchisi topshirgan test musbat natija bergan. Covid-19 infeksiyasi sababli Filippe Koutino, Serjino Dest, Abde Ezzalzuli, Jordi Alba, Dani Alves, Kleman Langle, Samyuel Umtiti, Aleks Balde, Usmon Dembele va Gavi safdan chiqqani ma’lum qilingandi. Ular o‘zini yakkalash tartibiga o‘tkazilgan. 9 nafar sog‘lom futbolchidan esa 2 nafari darvozabonlar – Mark-Andre ter Stegen, Neto, Oskar Mingesa, Erik Garsiya, Jyerar Pike, Ronald Arauxo, Frenki de Yong, Riki Puch va Lyuk de Yong. La Liga reglamentiga ko‘ra, klub o‘yin qaydnomasi uchun zarur bo‘lgan 13 nafar futbolchidan iborat ro‘yxatni jamoa akademiyasi o‘yinchilarini jalb etish orqali to‘ldirishi mumkin bo‘ladi. Muammolardan boshi chiqmayotgan Xavining navbatdagi qiyin sinovdan qanday o‘tishi barcha uchun qiziq.

Boshqa o‘yinlar:
1 yanvar: Uotford – Tottenhem (20:00), Kristal Pelas – Vest Hem (22:30).
2 yanvar: Brentford – Aston Villa (19:00), Lids – Byornli (19:00), Everton – Brayton (19:00).
3 yanvar: MYu – Vulverhempton (22:30).