Samsung buklama planshetlar ishlab chiqarishda muammolarga duch keldi

Kompaniya Galaxy Z Fold va Galaxy Z Flip buklama smartfonlarini ishlab chiqarishda ultrayupqa shishadan (UTG) foydalanadi, ammo u katta ekranli qurilmalar uchun mos kelmaydi.

Samsung buklama planshetlar ishlab chiqarishda muammolarga duch kelmoqda, deb xabar berdi The Elec nashri.

Nashr manbalarining so‘zlariga ko‘ra, kompaniya hozirda Galaxy Z Fold va Galaxy Z Flip buklama smartfonlarini ishlab chiqarishda ultrayupqa shishadan (UTG) foydalanadi, ammo u katta ekranli qurilmalar uchun mos kelmaydi.

Mutaxassislarning qayd etishicha, OLED-displeyli buklama planshet va noutbuklarda UTG tashqi ta’sirlarga dosh berolmaydi.

Buklama smartfonlar ekrani diagonali 7-8 dyuymni tashkil etadi, planshet va noutbuklar displeyi esa 10-20 dyuymga teng. Shu bois Samsung injyenerlari yangi material qidirishiga to‘g‘ri keladi.

Insayderlarning bildirishicha, kompaniya shaffof poliimid plyonkadan foydalanishi mumkin. Samsung 2019 yilda chiqarilgan dastlabki Galaxy Fold smartfonida ushbu materialdan foydalangan, keyinchalik undan voz kechgandi.

Tayyorlagan: Дилшод Аскаров

#Samsung