9 oyda qancha o‘zbekistonlik o‘qish uchun chetga chiqib ketgani aytildi

2022 yilning 9 oyida 124,1 ming nafar O‘zbekiston fuqarolari o‘qish maqsadida chet elga chiqqan.

Davlat statistika qo‘mitasi ma’lumotlariga ko‘ra, 2022 yilning 1 oktabr holatida o‘qish maqsadida xorijga chiqqan O‘zbekiston fuqarolarining yoshida eng katta ulush 19-30 yoshdagilar hissasiga to‘g‘ri keladi.

O‘qish uchun xorijga chiqqanlarning yoshi quyidagicha taqsimlandi:

• 0-18 yosh — 16,7 ming kishi;
• 19-30 yosh — 94,1 ming kishi;
• 31-55 yosh — 13,0 ming kishi;
• 56 yosh va undan kattalar — 0,3 ming kishi.