Iteca Exhibitions xalqaro ko‘rgazmalar kompaniyasi o‘zining 27-ko‘rgazma mavsumini yakunladi. 2022 yilda kompaniya uchun muhim voqealardan biri Butunjahon ko‘rgazma sanoati uyushmasi (UFI) a’zolik maqomini yangilash edi. Bu kongress va ko‘rgazma tadbirlarini tashkil qilishda faqat xalqaro standartlar bilan ishlaydigan mamlakat ko‘rgazma sanoatining yetakchisi bo‘lgan kompaniyaning maqomini tasdiqlaydi.
Yil boshidan ushbu mavsum qiyin va shu bilan birga sermahsul bo‘lishi uchun barcha asoslar mavjud edi. Barcha rejalashtirilgan loyihalar amalga oshirildi. Shunday qilib, Iteca Exhibitions kompaniyasi ICA Eurasia va Congresses of Central Asia – CCA xalqaro kompaniyalari bilan hamkorlikda sog‘liqni saqlashdan tortib to tog‘-kon va metallurgiyagacha bo‘lgan iqtisodiyot va ijtimoiy sohaning barcha asosiy tarmoqlarini qamrab olgan 19 ta ko‘rgazma loyihasini muvaffaqiyatli amalga oshirdi: UzBuild, AgroWorld Uzbekistan, UzFood, TIHE, AptekaExpo Central Asia, Stomatology Uzbekistan, MebelExpo Uzbekistan, UzTextile Expo Bahor, OGU, Power Uzbekistan, CAITME, Aquatherm Tashkent, Plastex Uzbekistan, O’ZuPack – O’ZBEKinPRINT, UzE-TechExpo, UzTextile Expo Kuz, MiningMetals Uzbekistan, TransLogistica Uzbekistan, Securex Uzbekistan.
Shuningdek, xalqaro anjumanlar va forumlar muvaffaqiyatli o‘tkazildi: Qurilish sanoati xalqaro anjumani – ICCI, O‘zbekiston xalqaro energetika anjumani, O‘zbekiston xalqaro tog‘-konchilik forumi – UIMF.
Ko‘rgazmalarga 80 520 kishi, shu jumladan 51 mamlakatdan 7 740 chet ellik mutaxassislar tashrif buyurishdi. Tashrif buyuruvchilarning aksariyati Qozog‘iston, Rossiya, Tojikiston, Qirg‘iziston va Turkiyadan edi.
