O‘zbekistonlik o‘quvchilar xalqaro matematika olimpiadasida 3 ta bronza medalini qo‘lga kiritdi

5−13 iyul kunlari Yaponiyaning Chibo shahrida o‘tayotgan 64-Xalqaro matematika olimpiadasida (IMO) 3 nafar o‘zbekistonlik o‘quvchi bronza medallarini qo‘lga kiritdi. Bu haqda Maktabgacha va maktab ta’limi vazirligi xabar berdi.

Sovrindor o‘quvchilar:

• Ozodbek Axtamov — Toshkent shahri Al-Xorazmiy ixtisoslashtirilgan maktabi 9-sinf o‘quvchisi;
• Anvarbek Rahmatov — Buxoro viloyati Qorako‘l tumani ixtisoslashtirilgan maktabning 11-sinf o‘quvchisi;
• Anvarbek Sadulloyev — Buxoro viloyati Peshku tumani 18 -maktab 11-sinf o‘quvchisi.

Ushbu olimpiadada dunyoning 112 ta mamlakatidan jami 623 nafar maktab o‘quvchisi ishtirok etmoqda.

Ma’lumot uchun, prezident qaroriga muvofiq 3-o‘rin (bronza medal) uchun o‘quvchiga bazaviy hisoblash miqdorining 200 baravari (66 mln so‘m), uning ustoziga 150 baravar (49,5 mln so‘m) pul mukofoti beriladi.