O‘zbekiston | 15:01 / 01.08.2023
11547
4 daqiqa o‘qiladi
Reklama

Parvoz qil! Biz yordam beramiz

Olim Hasanov nomidagi xayriya fondi O‘zbekistonning istalgan oliygohida tahsil olish uchun grant olishga arizalar qabul qilishda davom etadi.

Olim Hasanov nomidagi xayriya fondi

Olim Hasanov nomidagi xayriya fondiga 2021 yilda o‘z davrining yetakchilaridan biri bo‘lgan iste’dodli inson – EASYBOOKING kompaniyasi ham ta’sischilaridan biri xotirasiga bag‘ishlab, O‘zbekistonning iste’dodli yoshlarining munosib oliy ta’limni qo‘lga kiritishlarida yordam berish maqsadida asos solindi.

Ishonchimiz komilki, har bir iste’dodli inson oilasining moddiy jihatdan farovonligi yoki ijtimoiy mavqeidan qat’iy nazar, munosib ta’lim olish va rivojlanish huquqiga ega – va bu o‘z navbatida, jamiyatimizni yaxshi tomonga o‘zgartirish garovidir.

Aynan shu sababli, biz tanlov shartlaridan muvaffaqiyatli o‘tgan talabalarga O‘zbekistondagi istalgan OTMda tahsil olishlari uchun shartnoma to‘lovini to‘lagan holda individual moliyaviy ko‘mak ko‘rsatamiz.

2021-2022 o‘quv yilida Olim Hasanov nomidagi jamg‘arma tomonidan O‘zbekistonning barcha hududlaridan 6 nafar talabaga ana shunday yordam ko‘rsatildi. 2022-2023 o‘quv yilida esa Olim Hasanov nomidagi jamg‘arma tomonidan 21 nafar talabaga moliyaviy ko‘mak ko‘rsatildi.

Agar sen o‘qishni orzu qilsang, biroq moliyaviy tomondan imkoniyating yetmasa – EASYBOOKING kompaniyasi va Olim Hasanov nomidagi xayriya fondi sening orzularingni ro‘yobga chiqarishga tayyor!

Joriy yilda biz mamlakatimizning 10 nafar eng iste’dodli talabalarini tanlab olamiz. Dasturda ishtirok etish uchun arizalarni 2023 yilning 31 avgustiga qadar topshirish mumkin.

Dasturning asosiy shartlari:

1.  Tanlovda O‘zbekistondagi istalgan oliy o‘quv yurtida, istalgan tilda pulli to‘lov shartnomasi asosida o‘qiyotgan 1-4 kurs talabalari ishtirok etishi mumkin.  

2. Fond avvalgi har bir semestrda akademik fanlar bo‘yicha talabaning o‘rtacha o‘zlashtirish ko‘rsatkichi 85 foizdan ortig‘ini tashkil etishi sharti bilan oliygohdagi ta’limga qolgan barcha muddat uchun to‘lovni to‘lab beradi.

3. Ta’limni muvaffaqiyatli tamomlagandan so‘ng, Olim Hasanov nomidagi fond mazkur dastur ishtirokchilarini EASYBOOKING kompaniyasi jamoasiga ishga qabul qilinishini kafolatlaydi.

Tanlov bir necha bosqichlarda o‘tkaziladi:

I bosqich – arizalarni foundation@olimkhasanov.uz elektron manzili orqali qabul qilish.

Ariza quyidagilardan iborat bo‘lishi kerak:

  • nomzod so‘rovnomasi (CV);
  • avvalgi o‘qish ma’lumotini tasdiqlovchi hujjat nusxasi (o‘rtacha ball 4,5 yoki 85 foizdan yuqori);
  • motivatsiya xati.

II bosqich – Test sinovi (30 finalistni tanlab olish)

III bosqich – Tanlov komissiyasi a’zolari bilan og‘zaki intervyu (tanlovning 10 g‘olibini aniqlash). 

Tanlovning yakuniy natijalari 2023 yilning 1 oktabr sanasida e’lon qilinadi.

Instagram  | FAQ