O‘zbekistonning eng yirik ish beruvchi korxonalari ma’lum qilindi 

«O‘zbekiston temir yo‘llari» AJ mamlakatning eng yirik ish beruvchisi hisoblanadi. Uning tarkibida 77 mingdan ortiq ishchi mehnat qiladi. Bu haqda Strategik islohotlar agentligi ma’lumot (.pdf) berdi. 

Qayd qilish joiz, «O‘zbekiston temir yo‘llari» xodimlar soni bo‘yicha ikkinchi o‘rinda borayotgan «Navoiy tog‘-metallurgiya kombinati»dan (46 mingdan ortiq ishchi) qariyb 2 barobar ustunlikka ega. «O‘zbekneftegaz» tizimida 34 mingdan ortiq ishchi mehnat qiladi – bu uchinchi ko‘rsatkich. 

O‘zbekistonda 2023 yil 1-yarimyillikdagi eng yirik ish beruvchi 5 ta korxona (ishchilar soni):

«O‘zbekiston temir yo‘llari» - 77091;

«Navoiy tog‘-metallurgiya kombinati» - 46654;

«O‘zbekneftegaz» - 34491;

«Olmaliq tog‘-metallurgiya kombinati» - 33837;

«O‘zavtosanoat» - 30260. 

Shuningdek, «Hududiy elektr tarmoqlari» (25841), «O‘zkimyosanoat» (22720), «O‘zbektelekom» (17017), «Hududgazta’minot» (16386), «O‘zmetkombinat» (11548) korxonalari yuqori o‘ntalikdan joy olgan.