Özbekiston tennis federatsiyasi boş kotibi Iroda Tölaganova Toşkent şahri Yaşnobod tumanida joylaşgan «Aviasozlar» saroyi qarşisidagi tennis maydonlari buzilişiga qarşi videomurojaat bilan çiqdi.
Tölaganovning aytişiça, hozirgaça Jizzax şahrida 2 ta, Termiz şahrida avvallari xalqaro turnirlar ötkazib kelingan 1 ta tennis maydoni buzib taşlangan. Toşkent şahrida bölsa sönggi bir neça yilda 20 dan ortiqroq tennis kortlari buzilgan.
«Mamlakatimizda sport obektlarini, jumladan, tennis kortlarini buziş böyiça qaror qabul qiladiganlarga murojaat qilyapman. Sport yurtimizda millat salomatligini mustahkamlaşda muhim örin egallaydi. Barça viloyatlarimizda, şuningdek, Toşkent şahridagi har bir tumanda tennis kortlari qurilgandi. Biroq, afsuski, hozirda köplab tennis kortlari buzib taşlandi.
Ayni çoğda «Aviasozlar» tennis stadioni kelajagi söroq ostida turibdi. Agar millat salomatligini mustahkamlaşga befarq bölmasangiz, men sizlarni nafaqat mavjud tennis kortlarini asraşga, balki yangi sport majmualarini qurişga çaqiraman. Boisi statistikaga köra, yurtimizda yildan yilga aholi örtasida tennis tobora ommalaşib boryapti», — deydi sobiq tennisçi.
Facebook’agi «Yaşnabadskiy rayon» nomli guruhda fuqarolardan biri ham şu mazmunda murojaat yöllagan. Ayol 3 yil avval majmuani buzib taşlaşlari mumkin bölgani, biroq ular öşanda tennis kortni himoya qilişga muvvafaq bölişganini ta’kidlagan.
Gazeta.uz’ning yozişiça, mazkur sport majmuasi «Universal Tennis Plus» MÇJ boşqaruv kompaniyasi tomonidan 2023 yilning may oyida kimoşdi savdosiga qöyilgan. 16 may kungi auksion 4 soat 48 daqiqa davom etgan.
Ğoliblik talabnomasi Otabek Nurmuhammedov tomonidan taqdim etilgan. U lot uçun boşlanğiç bahodan 5 foiz köproq — 30,99 mlrd söm taklif qilgan va ğolibga aylangan.
Oçiq manbalarga köra, lotni yutib olgan Otabek Nurmuhammedov uzum yetiştiriş bilan şuğullanuvçi, ustav kapitali 957,3 mln söm bölgan «Mirazizhoji» MÇJda 11 foiz, şuningdek, quriliş metall konstruksiyalari va buyumlari işlab çiqaruvçi, ustav kapitali 6 mln söm bölgan «M-Trans Service» MÇJda 50 foiz uluş egasi ekanligi qayd etilgan.
Ustav kapitali 5,4 mlrd sömga teng bölgan «Universal Tennis Plus» MÇJdagi davlat uluşi ilk marta 2022 yilda sotuvga qöyilgan. U dastlab 29,52 mlrd sömga baholangan. MÇJ bir neçta oçiq va yopiq tennis kortlariga ega «Aviasozlar» sport majmuasini boşqargan. Obekt 0,76 gektar maydonda joylaşgan.
