O‘zbekiston va Qozog‘iston 2024 yilda rejalashtirilgan qo‘shma tadbirlarni muhokama qildi

O‘zbekiston tashqi ishlar vazirining o‘rinbosari Rahmatulla Nurimbetov Qozog‘iston elchisi Beybut Atamkulov bilan uchrashuv o‘tkazdi.

TIV ma’lumotiga ko‘ra, tomonlar hamkorlikning ustuvor yo‘nalishlari bo‘yicha mamlakatlar o‘rtasidagi amaliy hamkorlikni yanada mustahkamlash istiqbollarini ko‘rib chiqdi.

Shuningdek, joriy yilda ikki va ko‘p tomonlama shakllarda o‘tkazilishi rejalashtirilgan qo‘shma tadbirlarning jadvali hamda tashkiliy jihatlari muhokama qilindi.