2024 yilning 27 fevral kuni Kia’ning O‘zbekistondagi rasmiy distribyutori bo‘lgan ADM Global kompaniyalar guruhi yangi o‘rta o‘lchamli Kia Sorento krossoverining O‘zbekiston bozorida sotuvlari boshlangani haqida e’lon qildi.
Yangi Kia Sorento O‘zbekistonda to‘liq privodli tizimiga ega to‘rt komplektatsiyalarda taklif etiladi. Avtomobilning narxi versiyaga qarab 586 900 000 dan 724 900 000 so‘mgacha oraliqda farqlanadi.
Yangi dizayn, ilg‘or texnologiyalar va kengaytirilgan xavfsizlik funksiyalari Kia Sorento modelini yanada raqobatbardosh va jozibadorga aylantiradi. U shahar ichra yurishga ham, katta oila yoki kompaniya bilan tabiat qo‘yniga sayohatlar uchun ham mos keladi.
Kia’ning so‘nggi modellarining dizayni “Qarama-qarshiliklar uyg‘unligi” konsepsiyasiga muvofiq bo‘lib, avtomobillarning jihozlanishi ularning hashami va yuqori texnologikligini ta’kidlash uchun mo‘ljallangan. Himoyalovchi qoplamaga ega old bamper avtomobilning yo‘ltanlamas imkoniyatlarini ta’kidlaydi, orqa bamper ham yangilangan bo‘lib, yangi qoplama panelga ega bo‘ldi. “Yulduzlar xaritasi” stilidagi orqa chiroqlar ham yangilangan dizaynga mos. Komplektatsiyasiga ko‘ra, yangi dizaynda ishlangan 18 va 19 dyuymli g‘ildirak disklari taklif etiladi.
Ekstererdagi yangilanishlar tufayli Sorento’ning gabarit uzunligi 5 mm ga oshdi va hozirda 4 815 mm ga teng. Gabarit kengligi va balandligi o‘zgarishlarsiz qoldi – ya’ni 1900 va 1695 mm. Avtomobilning g‘ildirak bazasi - 2815 mm, yo‘l sathdan balandligi 176 mm ga teng.
12 dyuymli displey va qayrilgan ekranli yangi inter’yer yuqori texnologiyalik stilini yaratadi va salonning maydonini kengaytiradi. Markaziy konsol endi bir tugmani bosish orqali multimediya va mikroiqlimni boshqarish imkoniyatiga ega. Shamollatish tizimining diffuzerlari, shuningdek, salonning kengligi vizual effektini yanada oshirish uchun mo‘ljallanga.
