Dastur doirasida bank ta’sisçiligida “Kiçik biznesni rivojlantiriş jamğarmasi” va Jamğarma tarkibida xududlarda 14 ta “Kiçik biznesga kömaklaşiş xududiy markazlari” taşkil etildi.
Nukus şahrida “Kiçik biznesga kömaklaşiş markazi” binosining oçiliş marosimi bölib ötdi.
Markazda kiçik biznes loyihalarini tanlaş, taşabbuskorlarni öqitiş, moliyalaştiriş, axborot bilan ta’minlaş, biznes rejalar va texnik iqtisodiy asoslarni işlab çiqiş, bozor topiş bilan boğliq kompleks xizmatlarni körsatiş kabi çora-tadbirlar amalga oşiriladi.
Jamoatçilik vakillari, tadbirkorlar va jurnalistlar Markazda yaratilgan şart-şaroitlar, loyihalarni tanlab oliş va iştirokçilarni öqitiş tartibi bilan tanişdilar.
Joriy etilgan yangiça tartibga muvofiq, biznes loyihalarning taşabbuskorlari “Kiçik biznesga kömaklaşiş markazlari” tomonidan tanlab olinadi va ular biznes könikmalarini şakllantiriş yönalişida qisqa va örta muddatli amaliy öquv kurslarida öqitiladi.
Öquv kurslarini muvaffaqiyatli tugatib, sertifikat olgan taşabbuskorlar imtiyozli qöllab-quvvatlaş mexanizmlaridan foydalanadi. Dastur iştirokçilari uçun 9 turdagi moliyaviy instrumentlar, 6 ta yangi kredit va lizing mahsulotlari va 12 ta yönalişda konsultativ qöllab-quvvatlaş xizmatlari joriy qilingan.
“Biznesni rivojlantiriş banki” tomonidan elektron platforma – “Biznes portal” işga tuşirilgan. Fuqarolar va tadbirkorlar portalda onlayn ariza beriş orqali Dasturda iştirok etişlari mumkin.
