Özbekiston Respublikasi prezidentining 2020 yil 30 iyundagi “Özbekiston Respublikasida yoşlarga oid davlat siyosatini tubdan isloh qiliş va yangi bosqiçga olib çiqiş çora-tadbirlari töğrisida”gi PF-6017-son farmoniga asosan Özbekistonda yoşlarga oid davlat siyosatini yangi bosqiçga olib çiqiş, yoşlarni kiçik biznes va xususiy tadbirkorlikka keng jalb etiş, zamonaviy kasb-hunarlar, raqamli iqtisodiyot könikmalarini puxta egallaşlari uçun qöşimça şart-şaroitlar yaratiş, ularni iş bilan ta’minlaş jarayonlariga kömaklaşiş, yoşlar siyosati sohasida xalqaro hamkorlikni rivojlantiriş, yoşlar sohasidagi xalqaro reytinglarda mamlakatimiz mavqeyini oşiriş böyiça zarur çoralar köriş, xorijda ta’lim olayotgan yoşlar bilan olib borilayotgan işlarni tizimli yölga qöyiş asosiy vazifalardan biri sifatida belgilab berilgan.
Belgilangan vazifalar ijrosini ta’minlaş maqsadida joriy yilning 25-26 aprel kunlari “Yoşlar — kelajagimiz” jamğarmasi boşçiligidagi Özbekiston tadbirkorlari delegatsiyasi Turkiyaning Istanbul şahrida taşkil qilingan “MUSIAD investitsiyalar forumi” da iştirok etdi.
Şuningdek “MUSIAD investitsiya forumi”da 300 dan ortiq turkiy tilli davlatlar yetakçi tadbirkorlari, innovatorlar, yirik investorlar, yoş tadbirkorlar va boşqa yirik kompaniyalar vakillari, turkiy tilli davlatlar davlat va nodavlat taşkilotlari vakillari ham qatnaşdi.
Forum doirasida dunyoda rivojlanayotgan tendensiyalar, yangiça imkoniyatlar va global miqyosdagi muammolar böyiça maslahatlaşuvlar, davlatlar örtasida savdo aloqalarini rivojlantiriş, yangi loyihalarni amalga oşiriş, investitsiyalar, startaplar va zamonaviy işlab çiqariş yönalişlarida seminarlar taşkil qilindi, tadbirkorlar örtasida yuzma-yuz uçraşuvlar ötkazildi.
