2024 yilning 27 aprel kuni Buxoro viloyatida Chery avtomobil brendining O‘zbekistondagi rasmiy distribyutori bo‘lgan ADM Global kompaniyalar guruhi tomonidan tashkil etilgan navbatdagi With Chery With Love (WCWL) tadbiri o‘tkazildi.
Tadbirda Buxoro, Navoiy, Xorazm, Qashqadaryo, Surxondaryo viloyatlari hamda Qoraqalpog‘iston Respublikasidan bo‘lgan Chery Tiggo 8 Pro va Chery Tiggo 8 Pro Max avtomobillari sohiblari ishtirok etdilar.
Buxoro shahridan boshlanib “Bukhara Desert Oasis”gacha bir soat davom etadigan qariyb 50 km masofalik marshrut turli yo‘l qoplamalari o‘z ichiga olgan edi. Marshrut davomida avtomobillar sohiblari ham ravon asfalt yo‘llarni, shag‘alli va qumli qismlarga ega bo‘lgan murakkab jabhalarni ham bosib o‘tdilar. Bu krossoverlarning turli xil yo‘lsizlik sharoitlarida o‘tuvchanligi, boshqariluvchanligi va umumiy chidamliligini sinab ko‘rish va mintaqada mavjud bo‘lgan murakkab yo‘llarda sayohat uchun ishonchliligiga amin bo‘lish imkonini berdi.
Faol dam olish shinavandalari uchun kvadrosikllarda, tuyalarda va otlarda qiziqarli sayohatlar tashkil etildi. Bu tadbirlar mehmonlarga o‘zini tadqiqotchi va kashshof sifatida his qilish, atrofdagi tabiatning go‘zalligidan bahramand bo‘lish va energiya olishlari imkonini yaratdi.
Milliy oshpazlik an’analariga alohida e’tibor qaratildi. Katta pazandalik musobaqasi o‘tkazilib, unda mehmonlar milliy taomlarni tayyorlash bo‘yicha o‘z mahoratlarini namoyish etdilar va taom tayyorlash sirlari bilan o‘rtoqlashdilar. Pazandalik musobaqasi ishtirokchilari tomonidan tayyorlangan turli xil taomlar tatib ko‘rilgandan so‘ng, ularning barchasi shu qadar mazali chiqqanligi sababli, g‘olibni aniqlash imkonsizligi, musobaqada esa do‘stlik g‘alaba qozongani ma’lum bo‘ldi.
Markaziy maydonda yorqin ko‘ngilochar dastur namoyish etildi. Professional boshlovchi va didjyey otashin ritmlar orqali bayramona muhitni yaratdilar. Immersion teatr tomoshabinlarni milliy afsonalar va an’analarning maftunkor olamiga cho‘mdirib, ularga voqealarning bevosita ishtirokchisiga aylanish imkonini berdi.
