Pekin shahrida (XXR) joriy yilning 25-30 aprel kunlari bo‘lib o‘tgan muhtasham «2024 Beijing International Automotive Exhibition» ko‘rgazmasi doirasida «2024 GWM Global Conference» konferensiyasi bo‘lib o‘tdi. Konferensiyada HAVAL (Great Wall Motor) avtomobil brendining O‘zbekistondagi rasmiy distribyutori bo‘lgan ADM Global kompaniyalar guruhining rasmiy vakillari ishtirok etishdi.
Konferensiyada GWM kompaniyasi prezidenti janob Mu Fen kompaniyaning Xitoydagi o‘z ildizlarini va xorijiy bozorlardagi mahalliylashtirilishlarni saqlab qolgan holda globallashuv strategiyasiga amal qilishini ta’kidladi. Brend o‘zining oddiy «tovarlarni eksport qilish”dan boshlab «xorijdagi sotuvlar» gacha bo‘lgan, endi esa «ekologik globallashuv« bo‘yicha eksport strategiyasini doimiy ravishda takomillashtirib bormoqda. GWM yuqori sifatli global rivojlanishga erishish maqsadida mahalliy ishlab chiqarish, operatsiyalar, brend va ta’minot zanjirini moslashtirishga sharoitlar yaratish orqali mahalliylashtiruvni doimiy ravishda targ‘ib etmoqda. Xorijda 20 yildan ortiq rivojlanishdan so‘ng, GWM’ning yuqori sifatli global rivojlanishi yangi bosqichga ko‘tarildi. GWM TANK va GWM ORA kabi bir nechta yuqori sifatli yangi energiyaviy mahsulotlar xorijiy bozorlarga chiqarildi va «ekologik globallashuv» strategiyasi sezilarli natijalarni qayd etdi.
GWM «ekologik globallashuv» strategiyasini targ‘ib etishni davom ettirmoqda va «tadqiqot – ishlab chiqarish – sotuvlar» jarayonini to‘liq qamrab olish orqali brendning global rivojlanishiga erishmoqda. Kompaniya faol ravishda mahalliy filiallarni tashkil qilmoqda, mahalliylashtirilgan marketing va mahsulotlar ishlanmalarini olib bormoqda, shuningdek, yangi ish usullarini o‘rganmoqda.
Hozirda brend Tailand va Braziliyada avtomobil zavodlarini ochdi, shuningdek, mintaqaviy haydash sharoitlariga va global iste’molchilar ehtiyojlariga mos bo‘lgan mahsulotlar bo‘yicha tadqiqotlar, ishlanmalar va ishlab chiqarilishni mahalliylashtirishga yordam berish maqsadida Pokiston, Ekvador va boshqa mamlakatlarda KD-zavodlarini tashkil etdi. Mahalliy ommaviy ishlab chiqarishga tayangan holda, GWM nafaqat narx raqobatbardoshligini oshiradi, balki ish o‘rinlari yaratishga, mahalliy bozorlardagi soliq tushumlarining ko‘payishiga ko‘maklashib, ijtimoiy majburiyatlarini bajaradi va o‘z faoliyatini olib borayotgan mamlakatlar va jamiyatlarning rivojiga o‘z hissasini qo‘shmoqda.
GWM International’ning rahbari, GWM Group’ning vitse-prezidenti bo‘lgan janob Parker Shi kompaniyaning global rivojlanishi tarixi haqida so‘zlab berdi. U GWM’ning beshta asosiy mahsulotlar qatorlarining jahon bozoridagi yutuqlarini yoritib berdi. Turli mamlakatlardagi avtomobil sohiblarining hikoyalari bilan birga, u GWM o‘z mahsulotlari va xizmatlarining yuqori sifati tufayli global iste’molchilarning mehrini qozonganligini namoyish etdi.
