ADM Global tomonidan hujjatni kompaniyaning boş direktori va aksiyadori Daniyar Davletiyarov imzoladi. Trianon Energy tomonidan esa — Allsaint Group Holding S.A. asosçisi va boşqaruvçi hamkori, guruh Investorlar kengaşi raisi Filipp Tussen (Philippe Toussaint) imzoladi.
Hamkorlikning birinçi bosqiçi ADM’ning öz va hamkor dilerlik markazlari negizidagi pilot loyiha böladi. Trianon Energy’ning tezkor quvvatlaş stansiyalarini örnatiş, şuningdek, ADM’ning mavjud quvvatlaş infratuzilmasini yagona raqamli tarmoqqa integratsiya qiliş rejalaştirilgan.
Hamkorlik quyidagilarni nazarda tutadi:
· ADM dilerlik markazlari maydonçalarida tezkor quvvatlaş stansiyalarini örnatiş;
· ADM’ning amaldagi quvvatlaş stansiyalarini Trianon Energy tarmoğiga integratsiya qiliş;
· uskunalarga texnik va operatsion xizmat körsatiş;
· tarmoqni mamlakat hududlari böylab yanada kengaytiriş modelini tayyorlaş.
Bugungi kunda Trianon Energy Özbekistondagi eng yirik quvvatlaş infratuzilmasi operatorlaridan biri hisoblanadi. Kompaniya quvvati 120 kVtdan boşlanadigan 100 dan ortiq tezkor quvvatlaş stansiyalari tarmoğini boşqaradi, özining raqamli platformasi, mobil ilovasi va monitoring tizimiga ega.
ADM Global uçun mazkur loyiha avtomobil, quvvatlaş infratuzilmasi, servis xizmatlari va raqamli xizmatlarni birlaştirgan şahar mobilligi ekotizimini rivojlantiriş strategiyasining bir qismi hisoblanadi.
Loyihaning amalga oşirilişi elektromobillikni rivojlantirişni tezlaştiriş, dilerlik markazlari infratuzilmasidan samaraliroq foydalaniş va mijozlarga yangi xizmatlarni taklif qiliş imkonini beradi.
Birinçi bosqiçda pilot loyiha ADM maydonçalarida amalga oşiriladi. Obektlar soni, uskunalar tarkibi, investitsiyalar hajmi, işga tuşiriş muddatlari va hududlari maydonçalar texnik körikdan ötkazilganidan söng belgilanadi. Pilot loyiha yakunlari böyiça tomonlar natijalarni baholaydi va hamkorlikni yanada kengaytiriş töğrisida qaror qabul qiladi.
