12:12 / 04.06.2024
2993

Yer maydonlari savdosi bilan bog‘liq firibgarlik holatlari aniqlandi

Ikki hududda yer maydonlari savdosi bilan bog‘liq firibgarlik holatlari aniqlandi.

Foto: Bosh prokuratura huzuridagi departament

Bosh prokuratura huzuridagi departament hamda DXXning Andijon viloyati boshqarmalari tomonidan tezkor tadbir o‘tkazildi.

Unda, fuqarolar M.R., M.Ya. va boshqalar oldindan o‘zaro til biriktirib, fuqaro A.S.ning ishonchiga kirib, tanishlari yordamida Asaka tumani “Ulug‘bek” MFY hududida joylashgan 20 sotix zaxiradagi yer maydoni hujjatlarini uning nomiga rasmiylashtirib berishi evaziga 8000 AQSh dollarini olgan vaqtlarida ashyoviy dalillar bilan ushlangan.

Shu kabi, departament hamda DXXning Jizzax viloyati boshqarmalari tomonidan tezkor tadbir o‘tkazilgan.

Unda, “Tuyatortar” QLI irrigatsiya tizimi shu’ba bo‘lim boshlig‘i Q.X. fuqaro O‘.S.ning ishonchiga kirib, unga tanishlari yordamida ushbu irrigatsiya tizimiga qarashli 1 gektar yer maydonini hujjatlarni rasmiylashtirib olib berishi evaziga 500 AQSh dollarini olgan vaqtida ashyoviy dalillar bilan ushlangan.

Mazkur holatlar yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishlari qo‘zg‘atilib, tergov harakatlari o‘tkazilmoqda.

Top