Qoʻshimcha funksionallar
-
Tungi ko‘rinish
2024 yilning birinchi yarmida 3837 nafar shaxs korrupsion jinoyati uchun jinoiy javobgarlikka tortilgan
Tahlillarga ko‘ra, ushbu davrda Maktabgacha va maktab ta’limi vazirligi tizimi, davlat ulushi mavjud korxonalar hamda mahalliy hokimliklarda korrupsiyaviy jinoyatlar soni ortgan. Shuningdek, Sog‘liqni saqlash vazirligi tizimi va huquqni muhofaza qiluvchi organlarning 100 dan ortiq xodimlari korrupsion jinoyat sodir qilgan.
Foto: RBK
Korrupsiyaga qarshi kurashish agentligi O‘zbekistonda 2024 yilning I yarim yilligidagi korrupsiyaga oid jinoyatchilikni tahlil qildi. Tahlillarga ko‘ra, mazkur davrda 3837 nafar shaxs korrupsiyaga oid jinoyat sodir etgani uchun sudlar tomonidan jinoiy javobgarlikka tortilgan.
Joriy yilda (2023 yilning birinchi yarim yilligi bilan taqqoslaganda) ayrim soha va yo‘nalishlarda korrupsiyaga oid jinoyatchilik kamaygan. Jumladan:
- tijorat banklarida 146 (186);
- Sog‘liqni saqlash vazirligi tizimida 145 (177);
- huquqni muhofaza qiluvchi organlarda 122 (128);
- Oliy ta’lim, fan va innovatsiyalar vazirligi tizimida 52 (64);
- Bandlik va kambag‘allikni qisqartirish vazirligi tizimida 30 (40);
- Qishloq xo‘jaligi vazirligi tizimidagi 30 (33) nafar xodim tomonidan korrupsion jinoyatlar sodir etilgan.
Shuningdek:
- Maktabgacha va maktab ta’limi vazirligi tizimining 285 (237);
- davlat ulushi mavjud korxonalarning 103 (153);
- mahalliy hokimliklarning 133 (119) nafar xodimlari tomonidan sodir etilgan korrupsiyaviy jinoyatlar soni ortgan.
Mavzuga oid
10:34
Xovos tumani hokimi sobiq o‘rinbosari 7 yilga qamaldi
09:51
Dehqonobod tumani hokimi o‘rinbosari tezkor tadbirda qo‘lga olindi
20:58 / 04.11.2024
Sport sohasida korrupsiyaning oldini olish choralari kuchaytiriladi
22:02 / 22.10.2024