«O‘zbekiston» metro bekatida harakat tarkibida texnik nosozlik yuz berdi

Ijtimoiy tarmoqlarda «O‘zbekiston» metro bekatidagi harakat tarkibi buzilib qolgani to‘g‘risidagi xabarlar tarqaldi. «Toshkent metropoliteni» DUK holat yuzasidan ma’lumot berdi.

Foto: Kun.uz

Joriy yilning 11 noyabr kuni soat 08:48 da «O‘zbekiston» bekatidan harakatlanishi lozim bo‘lgan harakat tarkibida texnik jihatdan nosozlik holati kuzatilgan.

Shu boisdan ham yo‘lovchilar va harakat xavfsizligini ta’minlash maqsadida elektropoyezd mashinisti tomonidan barcha yo‘lovchilar bekatga tushirilgan hamda yuzaga kelgan nosozlikni aniqlash va bartaraf etish maqsadida bu harakat tarkibi tekshiruv yo‘lagi tomon harakatlantirilgan.

Shundan so‘ng, oradan 3 daqiqa vaqt o‘tib, ortdan kelgan harakat tarkibi bekatdagi yo‘lovchilarni manzillari tomon olib ketgan.

Hozirgi vaqtda yo‘nalishdagi poyezdlar belgilangan jadval asosida harakatlanmoqda, deyiladi xabarda.