Iqtisodiyot | 14:27 / 09.12.2024
1897
1 daqiqa o‘qiladi

Misr O‘zbekistonda shakar ishlab chiqarish korxonasini quradi

Mamlakat elchixonasi ko‘magida O‘zbekiston Investitsiyalar, sanoat va savdo vazirligi va Misrning "Nayl Shugar" kompaniyasi mutasaddilari o‘rtasida onlayn muzokaralar tashkil etildi.

Foto: Getty images

Bo‘lib o‘tgan muzokaralar chog‘ida Misr kompaniyasi tomonidan Jizzax viloyatida qand lavlagi yetishtirish va shakar ishlab chiqarish loyihasini amalga oshirish bilan bog‘liq masalalar muhokama qilindi.

Tomonlar mazkur istiqbolli loyiha yuzasidan investitsiya shartnomasini imzolash maqsadida ushbu hujjat matni, unda ko‘rsatiladigan muhim bandlar va kelishuvlar bo‘yicha fikr almashdilar.

Shartnoma loyihasini tegishli mutaxassislar va huquqshunoslar tomonidan o‘rganib chiqish va yagona kelishuvga erishish maqsadida yaqin kunlarda qo‘shimcha onlayn muzokaralar o‘tkazishga kelishib olindi.

Mavzuga oid

E`lonlar