Emeri «Liverpul»ni töxtatdi va «Arsenal»ga yordam berib yubordi

Bölimga qöşib berilgan daqiqalarda esa «Aston Villa»ning asosiy töpurari Olli Uotkins katta sahnaga çiqdi. Mezbonlarning bu hujumini orqaroqqa qaytib öynagan Asensio nozik pas bilan töpni çiziqlar orasidan ötkazgan holda boşlab berdi. Keyin esa töp çap qanotga yetkazildi, u yerdan Din muvaffaqiyatli kross ijro etdi. «Liverpul» himoyaçilari katta xatoga yöl qöyişdi – darvozaga yaqin masofada oçilgan Uotkinsni böş qoldirişdi.

Oxirgi öyinlarda «Liverpul» öyinning ma’lum qismida öta muvaffaqiyatsiz harakatlanmoqda. Birminghemda barçasi 10 daqiqa içida özgarib ketdi. Qolaversa, ikkinçi bölim boşida «Aston Villa» uçinçi golni urişi ham mumkin edi, Alison Reşfordga uzatilgan töpga çiqişda keçikdi va «Mançester Yunayted» sobiq futbolçisi jarima maydoni taşqarisidan turib oçiq qolgan darvozani öqqa tutdi. Mersisaydliklar baxtiga Konate darvozabonni qutqardi. Fransiyalik markaziy himoyaçi böş darvozaga kirib ketayotgan töpni töxtatdi.

Bu epizod «Aston Villa»ga salbiy ta’sir körsatdi. Xuddiki Emeri jamoasining barça futbolçilari birdaniga çarçab qolgandek körindi. Mezbonlar raqib futbolçilariga ulgura olmay qolişdi – «Liverpul» töpni tezroq harakatlantirdi va vaziyatlar yaratişga kirişdi. Jotaning jarima maydoni çiziği yaqinidan yöllagan zarbasi tösinga tegdi, biroz ötib esa Aleksander-Arnold mehmonlarning navbatdagi hujumini gol bilan yakunladi. Aniqroği «Aston Villa» qarşi hujumdan gol ötkazib yubordi. Saloh Din bilan yakkakuraşda omad evaziga töpni özida saqlab qoldi, Trentning zarbasidan keyin esa töp mezbonlar himoyaçisi Mingzga tekkan holda yönalişini özgartirib, darvoza töriga bordi.

Emeri darhol uç futbolçini almaştirdi – Reşford, Asensio va Garsiya dam olişga yuborildi. Ammo darhol yana «Liverpul»da golli vaziyat yuzaga keldi. Soboslai jarima maydoniga kirib bordi va narigi qanotda oçilgan Nunesga töpni taşlab berdi – ammo Darvin öz odatiga köra böş darvozaga gol ura olmadi, kuçli zarbadan keyin töp tösin yuqorisidan ötib ketdi.

Keyinroq Mingzning qöpol xatosidan keyin urugvaylik hujumçi darvozabon bilan yakkama-yakka vaziyatga çiqib ketayotgandi, ammo jarima maydonini taşlab çiqqan Martines töpni uning oyoqlari ostidan olib qöydi.

Şundan keyin öyin oçildi. «Aston Villa» öyiniga zaxiradan tuşgan Keş va Malen energiya qöşişdi. Birminghemliklar yakunda zarbalar soni böyiça ikki baravar ortda qolgan bölsa ham – 9:17 (jarima maydoni içidan yöllangan zarbalar böyiça – 4:14, ammo darvoza sohasiga töğri borgan zarbalar böyiça – 4:3), mezbonlarda ğalabani ilib ketiş uçun yaxşi imkoniyatlar böldi. «Aston Villa» bir neçta golli vaziyatlar yaratdi, zaxiradan tuşgan yana bir futbolçi Remsi darvozani işğol etdi ham – ammo bu safar ham ofsayd qayd etildi. Öyin oxirida «Liverpul» muxlislarining dilini xira qiladigan yana bir voqea röy berdi: zaxiradan tuşgan Bredli jarohat tufayli maydonni ertaroq tark etdi.

«Liverpul» fevral oyida bundan oldingi ikki öyinida ham qiyinçilikka uçragandi, jamoa avvaliga «Everton»ga qarşi qoldirilgan uçraşuvning qöşimça daqiqalarida gol ötkazib yuborib, qimmatli oçkolardan quruq qolgandi (2:2), bir neça kun ötib «Vulverhempton» bilan öyindagi ğalabali hisob (2:1) qiyinçilik bilan uşlab qolingandi –  mersisaydliklar öşa öyinning ikkinçi bölimida birorta zarba bera olmadi. Slot şogirdlarini navbatdagi turda 23 fevral kuni «Etihad»da «Mançester Siti»ga qarşi yana bir qiyin öyin kutmoqda, 27 fevral kuni esa «Enfild»da «Nyukasl» mehmon böladi.