Turkiyada so‘nggi yillardagi eng yirik namoyishlar - fotosuratlar

19 mart kuni Istanbul meri va Turkiyaning amaldagi prezidenti Rajab Toyyib Erdo‘g‘anning asosiy muxolifatchisi Akrom Imomo‘g‘li qo‘lga olingach, mamlakat bo‘ylab keng ko‘lamli norozilik namoyishlari boshlanib ketdi. Imomo‘g‘lining qo‘lga olinishi Jumhuriyat xalq partiyasi qurultoyi arafasida ro‘y berdi, bu yig‘ilishda u partiyaning 2028 yilgi prezidentlik saylovlaridagi nomzodi sifatida ilgari surilishi kutilayotgandi. U bilan birga korrupsiyada gumonlani o‘nlab safdoshlari ham ushlangan. Shundan buyon o‘n minglab turkiyaliklar o‘z noroziligini ifoda etish uchun ko‘chalarga chiqmoqda — yoppasiga qo‘lga olishlarga qaramay (1,9 mingdan ortiq kishi ushlangan, prokurorlar hozirgacha 74 kishiga uch yillik qamoq jazosi so‘ragan), aksiyalar tinmayapti. Shu kunlarda Turkiyaning asosiy shaharlari ko‘chalari qanday ko‘rinishda ekanini aks ettiruvchi suratlar keltiriladi.