Google bolalarga uy vazifalarida yordam beradigan sun’iy intellektini taqdim etadi

Google kompaniyasining Gemini ilovasi bolalar bilan ishlash imkoniyatiga ega bo‘ladi. Bunga yangilangan ilovadagi kodlar dalolat qilmoqda, deb xabar berdi Android Authority.

Gemini bolalarga hikoya tuzish, savollar berish va uy vazifalarini bajarishda yordam olish imkonini berishi kutilmoqda. O‘smirlar uchun xavfsizlik va kontent himoyasini ta’minlash uchun qo‘shimcha himoya va senzura usullari ishlab chiqilmoqda.

Google bolalar uchun Gemini rejimini qanday joriy qilishi noma’lum, biroq bolaning profili bilan bog‘langan Google akkaunti rejimni avtomatik ravishda yoqishi kutilmoqda. Qayd etilishicha, Google Gemini for Kids dasturida to‘plangan ma’lumotlarni o‘zining maxfiylik siyosati, jumladan, bolalar siyosati va Gemini Apps maxfiylik eslatmasi asosida to‘playdi va qayta ishlaydi.

Ammo bu yechim turli mamlakatlarda qanday ishlashi noma’lum, chunki ba’zi mamlakatlarda bolalar ma’lumotlarini qayta ishlash bo‘yicha qat’iy qonunlar mavjud, shuning uchun Google ularni tartibga solish talablariga moslashishi va qoidalarga rioya qilishi kerak.