Kursk viloyati gubernatori o‘rinbosari Bozorov qo‘lga olindi

Kursk viloyati gubernatori o‘rinbosari vazifasini bajaruvchi Vladimir Bozorov qo‘lga olindi. Bu haqda Telegramʼda viloyat gubernatori vazifasini bajaruvchi va Bozorovning rahbari Aleksandr Xinshteyn xabar berdi.

«Uning Belgorod viloyatida xuddi shunday lavozimda ishlagan (gubernatorning qurilish ishlari bo‘yicha o‘rinbosari) oldingi ish joyi bo‘yicha tergov harakatlari olib borilmoqda. Dastlabki ish mudofaa inshootlarini qurish bilan bog‘liq», deb yozgan Xinshteyn. Uning so‘zlariga ko‘ra, Kursk viloyati hukumati kerak bo‘lsa tergovga yordam beradi.

Belgorod viloyati gubernatori Vyacheslav Gladkov, o‘z navbatida, Max messenjerida Bozorovning hibsga olinishi sabablari haqida hozircha rasmiy ma’lumotga ega emasligini aniqladi.