Paxta va don qabul qilish tartibi belgilandi

Nizom Qishloq xo‘jaligi vazirligining Agrotarozi, Hosil qabuli va AgroDocs axborot tizimlari orqali paxta va don qabul qilish hamda uning elektron hisobini yuritish tartibini belgilaydi.

Foydalanuvchi internet axborot tarmog‘idagi rasmiy veb-sayt orqali Agrotarozi va Hosil qabuli AT imkoniyatlaridan foydalanish uchun ro‘yxatdan o‘tadi.

Foydalanuvchilar Agrotarozi ATdan ro‘yxatdan o‘tishda axborot tizimidan foydalanish shartlarini qabul qilish bo‘yicha elektron shaklda shartnoma imzolaydi.

Paxta va don tovar-transport yuk xati asosida qabul qilinadi.

Xo‘jaliklar bitta yuk xati bilan barcha sifat ko‘rsatkichlari bir xil bo‘lgan paxta va donni topshirish uchun yuborishlari kerak, ya’ni:

🔹 bitta seleksiya, sanoat navi va sinfiga oid;
🔹 avlodi va dala guruhi bir xil urug‘lik paxta va don.

Paxta qabul qilish kuni soat 24:00 da yakunlanadi va kunlik hisobotlar fizik vaznda yuritiladi.