Qozog‘istonlik Karagussova Markaziy Osiyodan koinotga uchgan birinchi ayol bo‘ladi

Qozog‘istonlik Danna Karagussova Markaziy Osiyodan koinotga uchadigan birinchi ayol bo‘ladi. U Amazon asoschisi, milliarder Jyeff Bezos tomonidan yaratilgan Blue Origin kompaniyasining New Shepard raketasida shu oyda parvoz qiladi.

Bo‘lajak parvoz atigi 10-12 daqiqa davom etadi. Raketa koinot boshlanadigan 100 kilometr balandlikka ko‘tariladi. Danna bilan birga yana besh yo‘lovchi - biznesmen Jyeff Elgin, muhandis Klint Kelli III, seriyali startaplar asoschisi Aaron Nyuman, ukrainalik tadbirkor Vitaliy Ostrovskiy va o‘z ismini sir saqlashni istagan yana bir yo‘lovchi kosmik sayohatga chiqadi. Ularning barchasi vaznsizlikni boshdan kechiradi va koinotdan Yerni ko‘radi. Parvoz jonli efirda namoyish etiladi.

Kompaniya chipta narxini oshkor qilmayapti. Ma’lumki, joy band qilish uchun depozit 150 ming dollarni tashkil etdi, parvozning o‘zi esa 500 ming dollardan 1 million dollargacha bo‘lishi mumkin.

43 yoshli Danna Karagussova almatilik taniqli ishbilarmon ayol. U Qozog‘istonda marketing va innovatsion texnologiyalar sohasida ko‘zga ko‘ringan shaxslardan biri hisoblanadi.

Danna mashhur oiladan chiqqan. Uning onasi - Guljana Karagussova taniqli siyosatchi, sobiq mehnat va ijtimoiy himoya vaziri, Qozog‘iston Senati deputati.