Qoraqalpog‘istonda xorijiy investitsiyalar hisobidan Yoshlar markazi barpo etiladi

Qarorga ko‘ra, markaz hududida quyidagi yo‘nalishlar yo‘lga qo‘yiladi:

• IT universitet — raqamli iqtisodiyotga mos kadrlar tayyorlash;
• startaplar texnoparki va ularni qo‘llab-quvvatlovchi innovatsion guruhlar — yangi g‘oyalarni tijoratlashtirish;
• yoshlar bandligiga qaratilgan ishlab chiqarish korxonalari — amaliyot va ish o‘rinlari yaratish.

Qurilib, foydalanishga topshirilgan ijtimoiy soha obektlari investor tomonidan mutasaddi davlat organlari tasarrufiga beg‘araz o‘tkaziladi. Loyihani samarali boshqarish maqsadida Qoraqalpog‘iston Respublikasi Vazirlar Kengashi huzurida Yoshlar ijtimoiy-iqtisodiy markazi direksiyasi (davlat muassasasi shaklida) tashkil etiladi.

Tashabbus yoshlarning ta’lim va tadbirkorlik salohiyatini oshirish, hududda yangi ish o‘rinlari yaratish hamda xorijiy sarmoyalarni jalb etish orqali iqtisodiy faollikni kuchaytirishga xizmat qiladi.