Samarqandda ikki sud raisi ishdan olindi

Sudyalar oliy kengashi qaroriga muvofiq Samarqand viloyatidagi ikki sud raisi lavozimidan ozod qilinib, ularning sudyalik vakolatlari muddatidan ilgari tugatildi.

Illyustrativ foto

Rasmiy ma’lumotga ko‘ra, Samarqand viloyati jinoyat ishlari bo‘yicha Samarqand tuman sudining raisi N.Rajabov odil sudlovni amalga oshirish chog‘ida qonuniylikni buzganligi uchun, shuningdek yozma arizasi asosida lavozimidan ozod etilgan va sudyalik vakolati muddatidan ilgari tugatilgan.

Shuningdek, Samarqand viloyati Samarqand tumanlararo ma’muriy sudining raisi S. Soliyev Sudyalar odobi kodeksi talablarini buzganligi uchun lavozimidan ozod qilinib, sudyalik vakolati muddatidan ilgari tugatildi.

Ma’lumot Sudyalar oliy kengashi matbuot xizmati tomonidan taqdim etildi.