Qoʻshimcha funksionallar
-
Tungi ko‘rinish
O‘zbekistonda yuk avtomobillari ishlab chiqarish bo‘yicha yangi raqamlar e’lon qilindi
O‘zbekistonda 2025 yilning yanvar–noyabr oylarida jami 4,1 ming dona yuk avtomobili ishlab chiqarilgan. Bu ko‘rsatkich mamlakatda sanoat, xususan, avtomobilsozlik tarmog‘ida ishlab chiqarish hajmi barqaror o‘sib borayotganini ko‘rsatadi.
Foto: Milliy statistika qo‘mitasi
Milliy statistika qo‘mitasi ma’lumotlariga ko‘ra, mazkur ko‘rsatkich 2024 yilning mos davriga nisbatan 31 foizga oshgan.
Mutaxassislar bunday o‘sishni ichki bozor ehtiyojining ortishi, logistika va qurilish sohalarida talabning o‘sishi, shuningdek, ishlab chiqarish quvvatlarining bosqichma-bosqich kengayishi bilan izohlamoqda.
Shuningdek, ishlab chiqarishda mahalliylashtirish darajasining oshib borayotgani, yangi modellar joriy etilishi va eksport imkoniyatlarining kengayishi tarmoq rivojiga ijobiy ta’sir ko‘rsatayotgani ta’kidlanmoqda.
