Ipoteka bank OTP Group FCI xalqaro faktoring tashkiloti a’zosiga aylandi

Ipoteka bank OTP Group FCI tarmog‘iga qo‘shilgan O‘zbekistondagi birinchi banklardan hisoblanadi. Bu bankning mamlakatda xalqaro faktoring va savdo-moliyalashtirish sohasini rivojlantirishdagi yetakchi mavqeyini yaqqol namoyon etadi.

FCI a’zoligi bankka tashqi savdo operatsiyalarini qo‘llab-quvvatlash, xorijiy moliya institutlari bilan hamkorlik aloqalarini kengaytirish, shuningdek xalqaro faktoring standartlari va mexanizmlaridan foydalanish imkoniyatlarini yaratadi.

Korporativ mijozlar uchun bu zamonaviy moliyaviy yechimlar spektrining kengayishini, jumladan faktoring vositalaridan foydalangan holda eksport shartnomalarini moliyalashtirish imkoniyatini anglatadi. O‘z navbatida, bu tovar aylanmasining oshishi va biznes faoliyatining rivojlanishiga xizmat qiladi.

Ma’lumot uchun:

Factors Chain International (FCI) — faktoring bozori ishtirokchilarini birlashtiruvchi hamda sheriklik tarmog‘i va yagona yondashuvlar orqali transchegaraviy faktoring operatsiyalarini rivojlantirishga ko‘maklashuvchi xalqaro tashkilot.

Aloqa uchun:

Ipoteka Bank OTP Group aloqa markazi — (78) 150 89 13

• Facebook facebook.com/ipotekabankofficial

• Instagram instagram.com/ipotekabank.uz/?hl=ru

• LinkedIn linkedin.com/company/ipotekabankofficial

• Telegram t.me/ipotekabankofficial

• YouTube https://www.youtube.com/@ipotekabankofficial

Reklama huquqi asosida