Qoʻshimcha funksionallar
-
Tungi ko‘rinish
O‘zbekiston aeroportlarida yo‘lovchilar soni 15 milliondan oshdi
2025 yilda O‘zbekiston aeroportlari qariyb 129 mingta aviareysga xizmat ko‘rsatdi, ulardagi yo‘lovchilar soni 15,5 million nafarni tashkil etdi. Uzbekistan Airports'ga ko‘ra, bu ko‘rsatkichlar 2024 yilga nisbatan 15 foizga ko‘p.
Foto: Kun.uz
2025 yilda O‘zbekiston aeroportlarida 128 972 ta aviareys amalga oshirildi, bu – 2024 yilga nisbatan 14 foizga ko‘p, deya ma’lum qildi Uzbekistan Airports.
O‘tgan yilgi aviareyslardan 92 480 tasi xalqaro, 36 492 tasi esa ichki yo‘nalishlar hissasiga to‘g‘ri keldi.
2025 yilda O‘zbekiston aeroportlari 15 504 264 nafar yo‘lovchiga xizmat ko‘rsatdi, bu – bir yil oldingiga nisbatan 15 foizga yuqori. Yo‘lovchilarning 12 707 101 nafari xalqaro reyslar, 2 797 163 nafari esa ichki aviaqatnovlardan foydalangan.
Shuningdek, o‘tgan yili O‘zbekiston aeroportlarida 98 137 tonna yuk va pochta qayta ishlangan bo‘lib, bu 2024 yilga nisbatan 12 foizga ko‘p.
2025 yilda O‘zbekiston aeroportlariga to‘rtta xorijiy aviakompaniya jalb qilindi, bular – Air China, China Eastern, T'way Air (Koreya), Air Asia (Malayziya).
Avvalroq “O‘zbekiston temir yo‘llari” va Silk Avia kompaniyalari chipta narxlarini 1 fevraldan oshirayotganini xabar qilgandi.
Mavzuga oid
03:55 / 18.01.2026
YeI Eron ustidan parvoz qilish xavfi haqida ogohlantirdi
18:02 / 13.01.2026
Shavkat Mirziyoyev Chirchiq aviatsiya ta’mirlash zavodi faoliyati bilan tanishdi
16:14 / 12.01.2026
Oslo aeroporti dron sabab uchish-qo‘nish yo‘lagini vaqtincha yopdi
15:48 / 12.01.2026